是日人日,人人生日,唔好期望有人同你唱生日歌,對自己好啲就算啦!連日拜年舟車勞頓,今日我就咩人都唔理,拉埋阿雪直飛曼谷三天兩夜,會合胡慧冲,來個「是吧米蓮三重奏」!記者、攝影:曾冠輝模特兒:孫慧雪

第 1重摘星泰菜 冰火冬蔭功啫喱 放大圖片
■ Morten堅稱華麗包裝下是正宗泰菜味道。

■ Morten堅稱華麗包裝下是正宗泰菜味道。

「喂 Roger,新年流流特登飛去曼谷,係咪有好介紹先!」「梗係有,冬蔭功你飲得多,曼谷嘅米芝蓮分子料理你試過未?」呢排年糕角仔食得多,食餐米芝蓮為兔年開年好到極!舊年才開張的超 5星級酒店 Siam Kempinski Hotel Bangkok,住宿豪華唔使講,泰菜餐廳 Sra Bua更加巴閉,是來自丹麥的過江龍!聽到呢度,我都以為係西餐,點都估唔到係地道泰菜。須知道目前能在米芝蓮手上摘星的泰國菜餐廳只有兩間,一是倫敦的 Nahm,一是由首位「摘星」的泰籍大廚 Lertchai所開,在哥本哈根的 Kiin Kiin。咁 Sra Bua呢?正是 Kiin Kiin的分店,主打新派泰菜。說是過江龍,其實是衣錦還鄉。是夜菜式由來自丹麥的大廚 Morten主理,唔係頭盤、主菜、甜品、茶、啡咁簡單,一睇 menu 10隻手指數唔晒,足有 12道!好彩道道份量細細唔怕食滯。對於菜式,你不能抱有期望,因為你永遠無法猜到接下來一道菜賣相如何,見到賣相又無法猜到味道如何,一道菜起碼給你兩個驚喜。問吓你:有無試過成個花盆擺你面前叫你食泥?將長得翠綠的植物連根拔起,原來是小甘筍,未食都知新鮮爽脆。泥呢?真係食得的,兼且係主角,原來是以青咖喱打成忌廉狀再混入麪包糠,食落香辣帶甜,過癮!傳統如冬蔭功,一樣玩出花樣,做成啫喱,在冰凉與火辣兩極的口感中互撞,刺激!出名霸道的紅咖喱,做成雪糕,含羞答答隱藏在以紅菜頭汁打成的泡沫之中,更絕是伴碟竟然是做慣主角的龍蝦,大膽!以為是分子料理,問 Morten到底施了何方法術:「菜中沒有用上任何化學物質改變食材原本的味道,只是以新的手法重新呈現傳統菜式!」這趟傳統與創意兼備的味覺加視覺旅程,一吃就是三小時,驚喜無間斷!

放大圖片

 

放大圖片
■冬蔭功做成啫喱,一口啫喱加一啖熱湯,啫喱瞬間於口中溶化。

■冬蔭功做成啫喱,一口啫喱加一啖熱湯,啫喱瞬間於口中溶化。

放大圖片
■ The Harvest,新鮮小甘筍原條插在青咖喱打成的 mousse中,食前先視覺滿足。

■ The Harvest,新鮮小甘筍原條插在青咖喱打成的 mousse中,食前先視覺滿足。

放大圖片
■第一道是「口立濕」,簡單如炸蓮藕都香脆過人,配沙律醬很醒胃。

■第一道是「口立濕」,簡單如炸蓮藕都香脆過人,配沙律醬很醒胃。

放大圖片
■以龍蝦作伴碟的紅咖喱雪糕。

■以龍蝦作伴碟的紅咖喱雪糕。

放大圖片
■餐廳種了禾稻佈置,添了田園氣息。

■餐廳種了禾稻佈置,添了田園氣息。

 

a. Sra Bua

地址: 991/9 Rama 1 Road, Siam Kempinski Hotel Bangkok費用: 4道菜午餐約$380,十多道菜晚餐約$608

第 2重花瓣池少女是吧! 放大圖片

 

「是吧」,我是說 spa呀!去曼谷必做 o架啦!唔使周圍搵, Kempinski就有!同阿雪走到 spa centre直入 treatment room,浴缸早已放好水兼鋪滿花瓣,完全啱晒阿雪呢種少女嘅需要。 Kempinski自家 spa的理念,是使用自然植物調理身體,環境有植物香薰,護理用品亦全部 herbal,借助大自然的潛藏力量使身體回復平衡,好似我哋呢種平日奔波勞碌的就最啱。這裏即使用上泰式古法按摩,都沒有太激烈的動作,力度亦適中,不會用蠻力死鑽穴位,拉筋亦恰到好處,真正使身心鬆弛。

放大圖片
■ Treatment suite內的浴缸靠着落地玻璃窗,浸浴都舒服過人。

■ Treatment suite內的浴缸靠着落地玻璃窗,浸浴都舒服過人。

放大圖片
■ Spa產品全是自家品牌,全是草本成份。

■ Spa產品全是自家品牌,全是草本成份。

 

收費: 90分鐘 Thai Massage約$808

第 3重再是吧!  4粒鐘女王享受

即使只係三天兩夜,喺曼谷單做一次 spa絕對唔夠!起碼執多劑!稱霸曼谷的名牌「是吧」 Divana早幾個月在 Silom開到第三間分店,物業是一座 90歲的英式花園別墅,純白小屋經過翻新,改裝成明亮的室內空間。未開始 treatment,坐在客廳嘆杯香茅茶,身心即時放鬆。鎮店王牌 Queen of the Night,長達 4小時的療程由頭護理到腳,按摩也推油,兼且用原塊蜂巢在背上磨砂,也讓蜜糖滋潤肌膚,絕對女王享受。Divana主張融合多元化(主要是東方)的治療理念,因而又會運用印度的療法,以銅壺盛載精油,放在額上點滴,透過將精神集中一點,驅除雜念,令腦筋放鬆,使身體及精神達到自我調整。我這次試了最 basic的,浸淫在青葱而寧靜的環境,加上師傅手勢到家,按按吓舒服到差點睡着。完事仲有熱茶與勁甜水果侍奉,我雖男兒身,該也有 Queen的感覺!

放大圖片
■用玫瑰、蜜糖、牛奶來做 massage都可以揀。

■用玫瑰、蜜糖、牛奶來做 massage都可以揀。

放大圖片
■門外已被白色別墅和花園抓住眼睛。

■門外已被白色別墅和花園抓住眼睛。

 

b. Divana

收費: 4小時 Queen of the Night約$2,915地址: 10 Thanon Srivieng, Silom網址:http://www.divana-dvn.com

完美句號鬧市中心 Pool Access Villa

食飽嘆夠,當然係返酒店瞓一好覺先算完美。不過,當你推門入房,見落地玻璃門外是酒店中央的游泳池,你又未必捨得瞓住。無諗過在曼谷市中心的 Siam區,會有 resort至有的 pool access villa,酒店房間全部面向正中的泳池,除了打造成城市綠洲, Roger知道另有原因:「酒店後面係皇宮,民房、酒店等建築物一律禁止朝向,免得俾你哋黎民百姓睇蝕晒!」不過無壞吖,酒店自成一國,明明隔條馬路已經塞車塞到飛起兼烏煙瘴氣,返到酒店立即靜晒,如去到沙灘上的 resort一般寫意。

放大圖片

 

放大圖片
■樓上高床軟枕。

■樓上高床軟枕。

 

房價: Deluxe Room約$1,800網址:http://www.kempinski.com/en/bangkok

Queen's Spa 放大圖片

 

溫馨提示:曼谷塞車嚴重,搭 BTS去 Divana分分鐘快過搭的士,從 BTS Surasak站步行 5分鐘即到!

Travel Memo 放大圖片

 

持 BNO或特區護照免簽證。泰國領事館: 2521 6481阿聯酋航空香港曼谷來回機票由$1,904起,查詢:http://www.emirates.com

1港元約兌 3.94泰銖(文中價錢已折算港元)220V,兩扁腳插座

放大圖片

 

泰國曼谷下周天晴, 22-33℃


■ Divana印度式療法兼有精神冥想的理念。

全站熱搜

stacylife 發表在 痞客邦 留言(0) 人氣()