「餅碎」之一的楊愛瑾（Miki）入行近十年，一直半紅不黑，偶爾出席吓活動，客串吓電影，就可以夠食夠住同夠玩，難怪佢同永安集團太子爺郭永淳嘅緋聞傳極都唔厭。

事實上，Miki同郭生嘅緋聞喺○七年就傳出，直至數月前，男方前妻公開怒罵佢係「小三」。不過，Miki繼續一貫作風，只以「清者自清」作回應，卻又繼續以月租三萬租住西半山千呎豪宅。早前，Miki喺銅鑼灣出席完活動之後，急不及待「飛的」返回豪宅，眼見記者們歡送佢返歸，Miki竟然忍唔住偷偷笑開心到出面。莫非想話畀大家知佢嘅地位穩如泰山，隨時好事近？

Miki出席完活動之後，急不及待搭的士返西半山豪宅，見到有記者送佢返屋企，仲開心到笑咗出嚟。

Miki邊笑邊行入豪宅大堂，仲愈笑愈勁，係咪怕啲記者影唔到佢入豪門嘅相呀？

arrow
arrow
    文章標籤
    娛樂 追擊 楊愛瑾 好事近
    全站熱搜

    stacylife 發表在 痞客邦 留言(0) 人氣()

    E-mail轉寄