港女病發麵店冇位，兩人先點定嘢食，再到附近公園等位。其間顏卓靈港女病發作，對 Walker指指點點，似乎不滿男友連累自己要等位。
娛樂喧
《狂舞派》富貴舞女起底 顏卓靈與 band友半同居
《狂舞派》在香港上映三個月收逾一千萬，成為近年港產片奇葩， 19歲的女主角顏卓靈更因而殺入周六（ 23日）舉行的金馬獎，越級挑戰章子怡及舒淇，角逐最佳女主角殊榮。
戲中顏卓靈飾演出身小康之家的豆腐妹「阿花」，但現實的她原來是富家女，父親是麗都飲食集團主席顏進，手上物業逾億。不過顏卓靈其實同阿花一樣愛情大過天，雖然她自稱冇拍拖，但其實已經與過氣組合 Chips成員錢行（ Walker）拍拖兩年，男方更不時上顏家，過半同居生活！
前周六（ 9日）中午，一身街坊打扮的顏卓靈素顏踢拖，與男友 Walker步出沙田寓所名城。兩人最初相隔兩個身位，女方非常小心，不時四圍望，明顯怕被人認出。
顏卓靈確定冇人認出自己之後，才在天橋與男友並肩而行。二人打算到附近一間麵店醫肚，惟麵店未有位，兩人先落 order再到附近公園等候，其間黑口黑面的顏卓靈對住男友指手畫腳，似是向男友訓話，而 Walker只好頭耷耷不斷點頭。
明補習暗溝仔
據知顏卓靈和 Walker在 2011年撻着，不久男友便經常上顏卓靈的家過夜。顏卓靈住在沙田豪宅名城，父親是麗都飲食集團主席顏進。顏進甚疼愛她，對女兒帶男友回家，也只好隻眼開隻眼閉。
Walker朋友透露：「 Cherry（顏卓靈）係 11年暑假補習時，認識喺補習社打工嘅 Walker。 Cherry一見到對方已經生螆貓入眼，不停向我哋收風，好快佢哋已經一齊。 Cherry佔有慾好強，搞到我哋同 Walker都少咗聯絡，因為叫親佢出去，佢都俾 Cherry鬧。」
據知 Walker現時開設 studio接散 job，而所謂 studio只是 Walker在佐敦租的住址，他每月收入不穩定，有時要女友接濟，難怪在富貴女友面前抬唔起頭。
並肩而行本月 9日中午，顏卓靈與男友 Walker由住所行去麵店，兩人最初前後腳行，到顏卓靈確定冇人認到自己，才肯和男友並肩而行。 
帶仔開餐等了大約十分鐘，顏卓靈一馬當先，帶男友返回麵店開餐。兩人合共食咗兩個湯麵，一百蚊有找。為了遷就男友，顏卓靈食得簡單。 
顏卓靈雖然憑《狂舞派》角逐金馬獎，可惜對手有《一代宗師》的章子怡、《西遊》的舒淇、《盲探》的鄭秀文及《聖誕玫瑰》的桂綸鎂，對手實力太強，勝算不大。 
上周一（ 11日），顏卓靈晨早回浸大搵教授食早餐，其間和教授有傾有講，甚懂討人歡心。
提男友即變臉
顏卓靈自言不懂應酬及宣傳，但初出道被封為「爆牙薛凱琪」的她，入行前已經接好多私影，還會要求龍友幫自己拍片放上網谷人氣，甚懂討人歡心。 10年，韓國經理人公司 JYP來港揀蟀，顏卓靈在二千人之中脫穎而出，但由於要簽十年賣身契，加上要離鄉別井受訓，不獲父親顏進支持。一心入娛圈的顏卓靈才被迫放棄。
「 Cherry之前同一個經理人行得好埋，講到自己會簽俾對方，但要對方俾啲實力佢睇。個經理人帶佢出 event，又幫佢搵 sponsor。不過 Cherry拎晒啲聯絡方法同贊助品之後，就話自己要專心讀書唔簽約，轉頭就去拍電影！」知情者透露。
上周一（ 11日），本刊記者在浸會大學，等候修讀英國語言及文學系的顏卓靈放學。記者先恭喜她入圍金馬獎，她起初對記者有問必答，又提記者小心跌倒，但當問到 Walker有否在她家過夜時，她便即時黑面，反問記者有否相片，隨即拿出手機扮有來電。記者追問其父是否顏進時，顏卓靈一面說:「我講緊電話！」一面衝出馬路截的士離開。面對記者追問，顏卓靈其實冇需要咁慌，睇嚟演技仲未夠火候。
貼胸攬實顏卓靈與 Walker拍拖兩年，不過顏卓靈近年打入娛圈，為保形象，在公眾場合不敢跟男友太親密，攬實胸貼胸已經好少見。 
跌膊露 bra未成名前，顏卓靈自拍過不少性感照。有網民睇完，話「很想霸佔你身軀」，之後就有二五仔踢爆，指她 13歲已經失身，又成日帶男朋友返屋企。 
網照洩密Walker在網上晒新 look，但就被二五仔踢爆，指他的照片攝於顏卓靈睡房，並放上另一張顏卓靈在睡房的照片，指明兩張相在同一地點拍攝。 
顏卓靈起初對記者表現友善，但當問及男友是否在她家過夜時即時變臉。
父親身家逾億
顏進 23歲入行，曾是稻苗學會會長，一直致力促進飲食業。 
麗都讌客
擁有物業/估計市值（港元）
沙田名城四個單位/5,000萬
將軍澳峻瀅兩個單位/1,100萬
火炭豐利工業中心一個單位/600萬
荃灣東南工業大廈一個單位/3,200萬
沙田新城市廣場一個單位/600萬
總值： 1億 500萬
留言列表
