Fujitsu 最新型號 SH771 9.5hrs 長氣筆電　日玩到夜 @ 明星靚相大分享☆

9.5hrs長氣筆電　日玩到夜

自命「長氣」嘅 13吋 MacBook Air，喺無線上網環境下，可連續喪玩 7粒鐘。仲嫌少？既想薄身、又要夠電，近期可考慮埋 Fujitsu最新型號 SH771，佢唔止喺 13吋機當中都好薄身，僅厚 16.6mm，電池更可支撐到 9.5小時，由朝到晚，夠你玩足一日啦！記者：陳國輝　攝影：黃子偉Model： Seacole@Zmodel

觸控板似 Click Wheel 放大圖片
■ Webcam影像偏暗，質素屬一般。

■ Webcam影像偏暗，質素屬一般。

曝光率唔算頻繁嘅 Fujitsu，今次推出呢部 SH771來頭唔小！首先，機背印上嘅「 Made in Japan」字樣，機身、設計罕見全日本製造，早已買少見少；而機身設計上，除剛才提到嘅 16.6mm厚度以及 1.33kg重量以外，塗層亦採用防跣手嘅塑膠物料，與平日見慣嘅鋼琴焗漆比較，無咁易沾滿指紋之餘，睇落亦較為美觀。揭起屏幕，立即再見到冰藍色勁 Cool燈光，從鍵盤縫隙中隱隱透射出嚟；如此冰冷感覺，鍾意與否因人而異，但講到最實際係 Keyboard支援防滲漏技術，萬一倒瀉水甚至咖啡，都唔怕影響筆電運作。不過最抵讚，似乎仲係 Fujitsu獨有嘅 Touch Scroll Wheel，喺圓形觸控板內，手指繞圈旋轉便可作出上下瀏覽網頁、調節音量等動作，操控感恍如利用 iPod的 Click Wheel揀歌一樣，慳番唔少時間㗎！

放大圖片
■選購$21,800的 i7超豪版，才支援 Blu-ray碟機。

■選購$21,800的 i7超豪版，才支援 Blu-ray碟機。

放大圖片
■鋰電池使用時間長達 9.5小時。

■鋰電池使用時間長達 9.5小時。

放大圖片
■ Touch Scroll Wheel令人聯想到用 iPod玩 Click Wheel。

■ Touch Scroll Wheel令人聯想到用 iPod玩 Click Wheel。

放大圖片
■鍵盤採用防滲漏設計，倒瀉水也可應付。

■鍵盤採用防滲漏設計，倒瀉水也可應付。

放大圖片
■內置《 Power Director》程式，俾你剪片。

■內置《 Power Director》程式，俾你剪片。

放大圖片
■屏幕解像度達 1,366× 768，毛色層次細緻。

■屏幕解像度達 1,366× 768，毛色層次細緻。

i7規格　搭 SSD硬碟放大圖片
■記憶卡槽可放入 SDHC又或者 SDXC。

■記憶卡槽可放入 SDHC又或者 SDXC。

當 Ultrabook勢力剛由 Lenovo同埋 Asus等大廠崛起之際，咪以為 Notebook從此被睇低一線。呢款 SH771就分成三個 Config，三個價錢；最「入門」嗰款用上 i5及 2.5GHz處理器，還具備 750GB SATA硬碟，但中價以及高檔嘅規格仲勁，唔單止行 i7同埋 2.8GHz，後者還配置 SSD硬碟、 Blu-ray燒錄機，頂級規格，難怪售價也達「天價級」，最高叫價$21,800！娛樂功能除咗 HDMI，駁電視直出 HD片以外，玩 Webcam時更可自拍照片或影片，再經專用軟件進行編輯，自己做埋導演。

放大圖片
■兩側配 DTS Boost立體聲喇叭，筆電當中佢算幾好力。