Panasonic P-01D 高規日系機玩平　四色好襯 @ 明星靚相大分享☆

高規日系機玩平　四色好襯

每季日系手機登場，猶如一場 Fashion Show，而經「水路」熱辣抵港嘅 Panasonic P-01D，就話畀你知嚟緊冷冷的冬天，依然要不忘奪目鮮色。二千幾蚊已玩到 1GHz高性能規格，四款顏色機殼畀你襯衫襯心情，金屬底色再配 Pink藍綠白，夠晒年輕有活力。記者：陳國輝攝影：李玉梅Model： Waye@GME

P-01D四色奪目搶鏡

玩開日系機，最叫人難忘可能係早兩、三年前，由 Sharp推出嘅 PANTONE 812SH系列。多達 24種顏色唔在講，而且每一隻也稱得上係至搶眼奪目嘅「專色」，也難怪嚟到經常換畫嘅花心港人手上，也可以 Hit足大半年！至於呢部 P-01D，比起 812SH唔稱得上好矚目，但藍、綠、白、紅四隻顏色，第一眼感覺就係勁搶，而且底殼色彩仲延伸到正面，加埋本身有黑色襯底，揀佢襯袋或襯衫，應該幾容易夾。唔使三千蚊嘅日系 Android Phone，幾乎無嘢可揀！ P-01D雖然定價平，但硬體規格係你估唔到咁好，例如 CPU就採用 1GHz，仲係最新 Android 2.3.5系統，用嚟上網、單撈 Apps玩，肯定交足功課。但更值得留意， P-01D竟支援繁體中文介面，睇得之餘手寫輸入亦得，玩日系機唔怕焗住要睇英文喇！

放大圖片
■體積同 iPhone 4相若，當然屏幕就縮晒水。

■體積同 iPhone 4相若，當然屏幕就縮晒水。

放大圖片
■鏡頭像素達到 500萬，平價機算有交代啦！

■鏡頭像素達到 500萬，平價機算有交代啦！

放大圖片
■鋰電池足夠連續播片約 250分鐘。

■鋰電池足夠連續播片約 250分鐘。

放大圖片
■跟一般 Android Phone一樣，可插入 3.5mm耳筒。

■跟一般 Android Phone一樣，可插入 3.5mm耳筒。

放大圖片
■採用 Android 2.3.5系統， Icon設計有所分別。

■採用 Android 2.3.5系統， Icon設計有所分別。

放大圖片
■ Menu除咗有日文字，仲有繁體中文顯示。

■ Menu除咗有日文字，仲有繁體中文顯示。

Panasonic P-01D$2,880 放大圖片

處理器： MSM8255 1GHz記憶體： 1,024MB ROM＋ 512MB RAM系統： Android 2.3.5屏幕： 3.2吋 VGA輕觸式鏡頭： 500萬像素查詢：三禾電氣（ 2374 0618）

富士通鏡面反擊放大圖片
■ F-01D有三款顏色，包括鏡面襯黑、鏡面襯粉紅和純白色。

■ F-01D有三款顏色，包括鏡面襯黑、鏡面襯粉紅和純白色。

記得 Fujitsu上一款 F-01D，屬於 10.1吋防水平板，而今次出番手機，長形機身加上摺合造型，睇落都好傳統，但見埋鏡面即時潮番晒，同時跟 P-01D一樣有色畀你揀，黑、白以外，仲有隻粉紅色，不過暫時未有現貨。想追求玩得，其實影音分唇至係佢強項！ 1,630萬像素鏡頭、 1.2GHz處理器、防水防塵，並標榜 Fujitsu必備指紋保安系統，以上種種夠皮未？再型啲， F-02D仲內置 3D拍攝功能，雖然唔係玩孖鏡，但模擬效果夠晒逼真，甚至你可直接喺裸視屏幕上即時欣賞到，但留意佢只係一部 Feature Phone，並非 Android智能手機。

放大圖片
■透過 3.4吋屏幕，你可舉機影風景之餘，仲可 180度扭芒自拍。