黃曉明外形俊朗就一向公認，原來佢對身邊啲人都好識做，早前東姑喺機場見到佢，有一班女fans蜂擁圍埋去要求合照，佢來者不拒，而且對住鏡頭笑到四萬咁口。

咁仲不特止，後來佢去Starbucks買咖啡，並唔係買一杯自己飲完走人，而係買咗成十杯，又買咗一堆蛋糕，然後叫齊同行工作人員，逐個派畀佢哋，連服侍佢攞行李個空姐都有份，難得個個女員工接到杯咖啡好似執金咁，唔通靚仔杯咖啡係香啲？

黃曉明去買咖啡飲，買足十幾杯加埋蛋糕，派畀跟隨佢嘅工作人員飲食，夠晒疏爽。

黃曉明戴住個墨鏡鬼死咁cool，但原來個人好nice，女影迷成群逐個要合照，永冇話托手踭。

邊個話淨係林峯識得chok？黃曉明排隊買咖啡，一樣chok到成個許文強咁款。

arrow
arrow
    文章標籤
    娛樂 追擊 黃曉明 好老闆
    全站熱搜

    stacylife 發表在 痞客邦 留言(0) 人氣()

    E-mail轉寄