明星靚相大分享☆

湯洛雯自參選以來是非未停過，但相信對她選情影響不大。資料圖片

距離下月26日無綫《2012香港小姐競選》決賽尚有個多月，幾位是非佳麗繼續惹是非，與其他佳麗不和的湯鎮業姪女湯洛雯，被指心情納悶而要搵男友 Gary安慰。而緋聞多多兼有個名人舅公張堅庭的張名雅，被爆為發明星夢而飛甩宅男男友 Billy。

港姐決賽日子越來越近，16位佳麗都積極備戰，但知名度越高就越惹火，是非依然繼續來，其中湯鎮業姪女湯洛雯及與張堅庭有親戚關係的張名雅，都再被爆料。

湯洛雯表示雖與 Gary分手，但經常見面。

湯洛雯（右一）與 Gary（右二）日前一起出席親友派對。

「分手後常見面」

昨日有讀者報料指與佳麗關係不佳的湯洛雯，因近日是非太多以致心情惡劣，經常鬱悶，要搵男友 Gary陪住解悶，並附有幾張二人出席親友生日派對的照片，相中湯洛雯跟 Gary頗為相襯， Gary更攬實湯洛雯合照。
不過，湯洛雯入選港姐後首天見記者時，透露已跟 Gary分手，被問到是否因心情納悶要找 Gary陪伴時，她昨日透過保母回覆，間接承認有其事，她說：「我同 Gary係已經分咗手，但仲保持朋友關係，經常有見面，佢都好支持我參選港姐。」

張名雅與宅男 Billy曾經甜蜜，但她否認因選美而飛甩男友。

張名雅發明星夢

張名雅被爆愛發明星夢，之前因要參加溫哥華小姐競選，飛起愛錫她的宅男男友 Billy Tsang，從張名雅與 Billy的舊照所見，兩人曾經愛得甜蜜。張名雅昨否認因選美而飛甩男友，她說：「我選完溫哥華小姐後仲有同 Billy拍拖，後期至分手，分手係因為性格不合。」
採訪：丁寧

若讀者知道這班入圍佳麗的底細，歡迎電郵至 mailto:adent@appledaily.com報料。