關仁隱事:「大官人」知衰博同情

「大官人」樣靚又唱得,可惜際遇麻麻,為咗前途,早前佢放聲氣要同唱片公司解約,聽講仲係由「球王阿大」出面幫佢擺平。球王阿大諗住坐定粒六簽到大官人,點知俾人飛起咗,佢梗係嬲到周圍唱衰佢,仲同「開心阿姨」打小報告,諗住等佢冇得翻身。關仁聽講大官人為咗呢件事好唔開心,好彩你精我唔笨,大官人明知俾人唱亦有還擊,親自打電話畀開心阿姨解畫,話自己啲合約一早傾掂咗,認吓低威博開心阿姨同情,最終擺平番件事。
撰文:關仁

    stacylife 發表在 痞客邦 留言(0) 人氣()