Paul近日十分躁，火氣十足。 資料圖片
黃貫中（ Paul）多年嚟同記者關係相當唔錯，但係自早前被記者追問佢同基督徒女友朱茵未婚懷孕，再加埋有報道話佢日前喺紅館開騷入座率只有七成，又嫌報道篇幅細後， Paul近日竟然狂鬧記者。
Paul前晚喺網上留言，當中不停爆粗仲有人身攻擊嘅言詞。
上星期演唱會後， Paul連日嚟喺網上話有報道針對佢，甚至連 N年前 Beyond解散，以及老父中風都話因記者起，又話記者推翻佢事業同詛咒佢老婆同 BB。前晚 Paul喺網上瘋狂留言話：「請聽清楚，我不怕你，繼續抹黑我啦，好快，你會後悔……因你將會好大鑊，係好 X大鑊嗰隻，天皇都保你唔到。」
家強細仔着住件黃色衫，顯得寧舍醒目又可愛。
家強湊百厭仔
Paul仲寫人身攻擊嘅留言：「 X爆你呀，咪俾我見到你，我也不想見到你，我雖唔打女人，但你點睇都係男人。我會張你個 X樣俾我所有朋友睇……」
同為 band友嘅太極噚日到商台接受訪問，對於 Paul接受唔到入座率差嘅報道，佢哋話：「我哋都面對過呢啲報道，固然緊張想多人睇，但亦有外圍因素。」鄧建明又代 Paul求情，希望大家唔好嬲佢。
至於同 Paul傳不和嘅黃家強，闊佬懶理享受家庭樂，噚日喺微博貼咗細仔張相，相當可愛，仲話就算佢幾百厭，佢一笑就冧晒。
文章標籤
全站熱搜
留言列表
