梁詠琪昨晚穿上窄身裙在中環出席活動,多次刻意以手袋遮肚,惹來懷孕疑雲。

梁詠琪( GiGi)去年和西班牙籍丈夫 Sergio閃婚,開展一段中西情緣。 GiGi早前孖住老公遊西班牙拍 MV、影相,她昨晚穿上窄裙在中環出席活動時,肚皮微凸,又不時拎手袋遮掩,惹來大肚疑雲,但 GiGi否認有喜,更坦言要和老公環遊世界才生 BB。

梁詠琪早前和西班牙籍丈夫 Sergio重遊求婚地,介紹西班牙名勝、拍攝新歌 MV,又為西班牙皮具品牌 Loewe拍攝新手袋宣傳照。 GiGi昨晚在中環為 Loewe宣傳,但不見老公, GiGi穿上藍白色連身裙,窄裙下肚皮微凸,她拎住桃紅色手袋,不時遮遮掩掩,但依然穿上三吋高跟鞋。


GiGi表示和老公 Sergio一齊很幸福,更想結伴環遊世界。


梁詠琪在西班牙參觀品牌手袋製作,眼界大開。

「仲想環遊世界」

GiGi大力否認有喜:「哎吔,就係着咗高跟鞋,所以冇呀,冇呀!冇呀!真係冇呀!我食咗番茄麪咋,同埋條裙窄,唔係有喜呀。」她謂之前去西班牙拍旅遊特輯,非常辛苦,她說:「因為每日成40度,一日要走一個城市,好似跑通告咁,好彩有老公做翻譯咋,佢真係 good job。」老公一齊去,豈非可以密密造人?她說:「唔係有好消息呀,呢兩個月要做國語碟,唔得閒,老公仲想同我環遊世界,所以今次一定要一齊,話爭取時間見面喎。」


廖創興銀行新抱周瑋瑩透露暑期會一家外遊。

日日見住心甜

GiGi甜笑表示日日見住老公,不用心掛掛。問她老爺奶奶有沒有催生 BB, GiGi說:「老公啲兄弟姐妹都生晒,佢又最細,所以唔急。」她更指老爺奶奶都有幫手拍 MV,但最終只有老公可以有三秒出鏡。
同場廖創興銀行新抱周瑋瑩也有捧場,她指暑期忙於湊小孩:「我同老公都係比較嚴格嘅人,好少出街,佢哋平時都有學音樂、跳舞、運動,暑期會去吓旅行,等老公話事。」任司儀的楊洛婷就自爆為穿皮裙,自行加墊升 cup。
採訪:盧妹
攝影:黃文偉

arrow
arrow

    stacylife 發表在 痞客邦 留言(0) 人氣()