明星靚相大分享☆

今次有驚喜！(真實對白)
Lavina上年同 E級 Baby、 Rainbow等齊齊出一本寫真，不過今年終於單飛：「我哋會去 L.A.取景，輯相到時一定會有驚喜。」"
封面
嫌 Rainbow低 B　 Lavina單飛去盡
2010年02月10日
22歲 o靚模 Lavina（鍾蕙芝）同 18歲 Rainbow（胡心諾）年初孖住剝光豬出月曆，噴血 topless慰宅男，孖妹大解放無分季節好搏命。
不過孖妹年紀差 5年， Lavina一心靠剝搵快錢，反而 Rainbow就諗住錫身洗底做歌星。嘴形唔啱，孖妹決定分拆重新上市，而 Lavina同 Rainbow今次更終極為本刊以孖妹形式影最後一脫，從此 Rainbow正式收埋咪咪，閃咭有價值，宅男真係要珍藏呀！
o靚模暑假大混戰，但係 3個月唔夠就玩完，電車仔變心快，最後生還者 5隻手指數得晒，其中 22歲 o靚模 Lavina（鍾蕙芝）同 18歲 Rainbow（胡心諾）年初再出埋剝光豬月曆同床上用品，原來已經係 Rainbow盡地一鋪剝衫搵快錢之作。
分拆求出路
孖妹孖住長搵長有，不過原來 Rainbow另有諗法，嚟近 Lavina就會同 Rainbow分開做， Lavina話：「其實我都大 Rainbow 5年，佢係好似小妹妹咁，有時諗嘢都幾低 B o架，我哋思想好唔同，我係行性感，佢又冇我咁徹底，而且公司都唔想大家成日將我哋放埋一齊，同埋我哋本身都唔係組合，係由上一本寫真開始我哋先成日合作啫，以後唔再孖住出現係件好事吖！影埋呢輯相，之後都唔會一齊啦！」

Rainbow︰我出唱片(真實對白)
Lavina︰我出寫真(真實對白)
最後一擊︰ Lavina同 Rainbow孖妹形象深入民心，不過 Rainbow要單飛，今次呢輯制服誘惑，都算係最後一谷啦。

分開搵銀
同公司，自然多合作， Rainbow同 Lavina平日見親都係孖住上，家陣分開搵食，反而荷包脹咗，係驚班電車少件女好失落啫。

種生基︰隨時嫁得
Lavina有個家底厚差佬男友（右），做多幾年隨時收咪嫁人，早前曾同 Lavina傳緋聞嘅衣架大王太子 William就同女友 Fiona生咗個女， Lavina說：「恭喜晒！嗰啲緋聞啫！」大方喎！

孝順肉彈
Lavina阿媽隻腳傷殘：「媽咪家隻腳做完手術，仲休養緊，我有買好多補品畀佢，又畀晒啲人工佢做家用 o架！」賣肉都可以好孝順。

L.A.激寫真

扮公仔
Lavina同 Rainbow為本刊扮日本電影《援膠女郎》嘅主角， Lavina為求效果，例牌比堅尼豪畀你，反而 Rainbow就扭晒計只肯着住肉色 tee扮 nude，兩個扮到似模似樣，出人形 Lavina product有得諗喎，不過 Lavina就話：「暫時唔考慮住啦，度吓其他嘢先啦！」

實情係 Rainbow有經理人男友 Admond睇住鋪路，單飛 Rainbow自然要惜肉洗底轉型， Lavina話：「我之後都會同 Rainbow分開出寫真，唔會好似上次《夏/盛放》本書咁成班女仔影，我希望一個人出形象更加鮮明，應該會喺動漫節（ 8月）嗰陣出，個 concept仲傾緊，落實去 L.A.影，公司放咗好多資源喺我度，總之今次比上次仲震撼！而 Rainbow就會唱歌出碟、我又會响主持方面發展！」
其實孖妹要分家，除咗 Rainbow唔肯行性感外， Lavina下下出騷要分半亦唔化算，而孖妹經理人 Admond（張達鴻）則說：「其實分開發展對大家都有好處，未必關錢事嘅，其實大家不嬲都係搵咁多 o架喇！」講到尾都係要搵錢， Lavina醒目女，點肯蝕章呀！
Rainbow着番衫做歌手

去年方力申狼溝 Rainbow，彩虹妹妹一炮上位，如果要出碟做歌星，第日出席音樂活動時，小方有排頭痕。

參加「美少女廚神」嘅 Rainbow因方力申狼溝上位，咁啱食正 o靚模熱成功跑出。據知佢單飛後主力做歌手：「家都係經理人幫我揀緊歌，預計 4、 5月左右會有歌出街，走快歌路線，同埋接咗個減肥公司代言人，都收成 6位數字， 10月會同公司嘅 8位師妹（暫定）合作出寫真，不過我唔會太性感啦！」洗底好大決心。
Lavina做 80後狄娜

Lavina早排亮相亞視節目《財神到》雖然要俾人打 pat pat，不過同亞視打好關係，點計都有 so嘢。《蘋果日報》圖片

Rainbow做歌手， Lavina就義無反顧繼續行性感，除咗籌備新一輯無底線寫真，仲斟緊喺亞視同有線做主持：「我同佢哋嚟緊會合作，應該會做主持，好快會公布啦！」堅持走 80後狄娜路線。
經理人變男友
18歲 Rainbow同 28歲緋聞男友兼經埋人 Admond（張達鴻），雖然年齡相差 10年，不過 Rainbow打個乞嚏都有 Admond睇到實，個星夢點都好發啲嘅。

Admond對 Rainbow照顧有加，雖然曾被影到拍拖食快餐，但係 Rainbow一樣甘心追隨。《蘋果日報》圖片

封咪
Rainbow單飛前同 Lavina搵潮人葛民輝御用攝影師 Sunny Lau合作影咗個性感月曆，賣出銷量有近萬個，成績唔錯，不過單飛 Rainbow嚟緊出寫真就會率領 8個師妹做密實師姐，激相成絕響。

Rainbow俾玫瑰崗踢咗出校後，轉讀旺角夜校，又話最少會完成中五，又話想會考拎 18分，嘩！開到咁大，好畀心機讀書喎！

《援膠女郎》搞 hit Mary
改編日本短篇漫畫《業田哲學堂空氣人形》，故事講吹氣公仔望美（裴斗娜飾）一日由公仔變真人，又對影視店員純一（小田切讓飾）一見鍾情，於是走到影視店工作， 2人日久生情，但最後望美唔小心穿手腕漏氣，喺純一面前漏氣變回公仔。呢套戲喺日本票房唔算好出色，不過喺香港 2月 4日上映時，班高登仔仲話要組團去睇，始終吹氣呢味嘢都係開正佢哋嗰瓣。