不幸！日本大地震，災情畫面歷歷在目；新一集《人中之龍 OF THE END》，原定明天推出，突然要延期!同樣以災害做背景，不過唔係天災，而係做戲咁款嘅喪屍危機！記者：王震遠

唔行蠱惑　打喪屍

《人》出咗咁多集，次次都係蠱惑仔開拖，真係打到有啲悶。今集終於有新突破，雖然同樣係打打殺殺，不過對象變成一堆喪屍！話說 2011年，神室町無啦啦出現咗一大群喪屍，為咗鎮壓事件，日本陸上自衞隊用高牆完全隔離整個地區。黑勢力一夜間完全消失，為咗自救，所有前代出現過嘅角色，都站出來拯救呢條花街，仲要喺生化怪獸手上救番澤村遙。

放大圖片
■小記最愛嘅秋山駿，今次變咗雙槍王。

■小記最愛嘅秋山駿，今次變咗雙槍王。

放大圖片
■手榴彈全壘打，打喪屍都可以咁有型！

■手榴彈全壘打，打喪屍都可以咁有型！

 

右手變機槍

講真！古仔真係離晒譜！由一隻日版《 GTA》忽然變成《生化危機》，玩法真係要重新適應吓；敵人主要分為喪屍、變種怪物同實驗怪物三種。今集《人》採用全新槍戰系統，取代原本型到爆嘅拳頭交！四位主角各有唔同自家武器！例如獨眼殺手秋山駿改用雙槍，鄉田龍司隻右手變成機槍！雖然呢個改動合情合理，打喪屍唔係講玩，不過真係最好解釋吓鄉田隻手嘅來歷囉！遊戲一開波基本就無限子彈，只要識搵位 Reload就無大問題！

放大圖片
■故事無交代鄉田隻手，點解會變成機槍。

■故事無交代鄉田隻手，點解會變成機槍。

放大圖片
■有時急起上嚟，摺凳、垃圾桶都要照開拖。

■有時急起上嚟，摺凳、垃圾桶都要照開拖。

 

夜場照常營業

係人都知神室町，係參考新宿歌舞伎町改建而成，小記雖無緣一逛此花街，都想喺遊戲入面花天酒地一番！雖則今集有喪屍踩場，神室町竟出奇地照常營業，唔知佢哋做唔做喪屍生意呢吓？入到去風月場所，除咗可以飲花酒，內裏仲有唔少玩樂設施畀機迷玩，浸溫泉、彈珠、乒乓波、打麻雀、掟鏢等 Mini Game全部躬迎閣下，又要打喪屍，又要媾女，仲打埋機，有無咁忙呀？

放大圖片
■由打蠱惑仔變成打喪屍，都咪話唔爆！

■由打蠱惑仔變成打喪屍，都咪話唔爆！

放大圖片
■仲用拳頭打架？做喪屍都要長進 o架！

■仲用拳頭打架？做喪屍都要長進 o架！

放大圖片
■《人》賣點之一嘅風月場所，新一集點少得？

■《人》賣點之一嘅風月場所，新一集點少得？

放大圖片
■大量 Mini Game，掟鏢、老虎機、釣魚乜都有。

■大量 Mini Game，掟鏢、老虎機、釣魚乜都有。

 

放大圖片

 

主機： PS3開發： SEGA類型：動作遊戲人數： 1人售價：$368推出日期：待定


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄