24歲 Ivy， 07年動漫節做過 game girl，當時身材比較圓潤，曾被雜誌起朵做「細粒版藤原紀香」，入行後激瘦得番 96磅，兩年前簽約施念慈旗下同 DaDa同門，正式做 o靚模。
賀歲片串星
A Cup微乳的 Ivy最近除打孖有廣告出外，嚟緊嘅賀歲片亦有份在《最強囍事》和《我愛 HK開心萬歲》中做串星。
Ivy在去年仲捲入曾志偉兒子曾國祥的多角戀，曾國祥被踢爆背住拍拖 9年女友連環偷食四女，除 A.Lin（裴殷）外，又同時搭上對方的好友即 Ivy，以及洪天明前女友梁郁霖（ Lillian），問到 Ivy被曾國祥玩弄感情時，她語帶無奈：「我唔想再提呢件事，以後我都要帶眼識人。」感情空白，惟有寄望工作， Ivy話新一年希望主攻電影，「拍過幾套電影，覺得好好玩，可以演繹一啲平時做唔到嘅角色，最希望做癲婆同妓女。」
「賣飛佛好核突」
農曆新年就到， Ivy提議班 model姊妹組團齊齊踩上 DaDa 400萬荔枝角泓景臺新屋利是， Ivy笑說，「咁佢（ DaDa）搵得最多嘛！一於去佢新屋利是同埋開賭局，不過 DaDa幾有運 o架，可能好難贏到佢錢。（有咩新年願望？）希望長多幾磅肉囉，肥啲身材又好啲。我覺得身材同學歷唔係正比嘅，我冇波但有腦！（暗寸其他 o靚模波大冇腦喎？）咁知識係終生受用，讀多啲書，選擇都多啲，起碼講起英文上嚟，我都唔會講『賣飛佛』咁核突啦！」嘩，連吳卓羲都辣埋喎！
有 cup數冇分數
Ivy會考以 25分成「最強 o靚模」，令冇波嘅佢自嘲「冇波有腦」，但睇番一班 o靚模，除咗邦民女 Anjaylia會考高取 18分，其他乳模好似 Chrissie、 Carol同 DaDa咁，都得幾分，似乎真係心口有 cup數，冇分數喎。
全站熱搜
留言列表
