無綫賣盤已成事實，殼王陳國強組成的財團施銀彈買入，他即將加入 TVB董事局，火速成為新揸弗人，旗下藝人紛紛期望有好發展。無綫前天氣女郎黃婉曼已過檔 now，對於陳國強緋聞多多，黃婉曼說：「我唔識答，管理層叻就得，不過少啲緋聞都好。」
有殼王之稱的陳國強將入主無綫成為新揸弗人，意味着電視圈進入戰國新時代，今年在無綫頒獎禮食白果的何韻詩昨日表態不續約，農夫也簽約替 now做主持，無綫除跟五大唱片糾紛未解決，旗下藝人又逐一流失，新班子上場便要立即動腦解決問題。何韻詩、農夫和男子組合 Mr.昨日在新城電台出席活動，眾歌手都議論紛紛，東亞唱片的何韻詩透露與無綫已約滿兩、三個月，她向經理人公司表示暫時不想續約，她樂得自由身，並說：「我家好輕鬆，宏觀咁望一望台灣、內地同外國都好少例子係所有歌手簽晒一間，呢個制度有啲奇怪。」
「管理層要識派錢」 放大圖片 
已約滿無綫的何韻詩昨日表態不續約，身邊的農夫則加盟 now做主持。
阿詩強調跟無綫關係未至決裂，任何媒體夾得來都可合作。對於無綫易主，她說：「轉吓模式可能係好事，始終有競爭先有進步，對樂壇同娛樂圈都係健康嘅改變，應該豁達啲。」阿詩表示有其他電視台找她合作，但仍未落實。農夫最近繼無綫前天氣女郎黃婉曼後與 now簽了主持合約， C君說：「我哋主持約係簽死畀 now，但我哋可以去 TVB唱歌同做訪問。」可會再與無綫續約？陸永說：「換個老闆可以改吓個政策，不過佢哋畀我哋上都好渺茫。」黃婉曼過檔 now做主持，新節目即將出街，當然懶理舊僱主易主，不過她認為電視台之間應百花齊放，有競爭才有進步。無綫新揸弗人陳國強近年緋聞多多，黃婉曼昨日在電話中說：「我唔識答，管理層叻就得，仲要識派錢，不過少啲緋聞都好。」黃婉曼更笑言自己難與陳國強傳緋聞，她說：「我未必識到咁高層，家我都唔喺 TVB，我唔擔心。」
袁彌明狠批新節目 放大圖片 
袁彌明昨日現身維園，鬧爆無綫節目沒有質素。
此外，已離巢無綫的袁彌明昨日在維園做宣傳，也提到無綫賣盤一事，她說：「其實賣盤唔係好影響，管理層先最緊要，邵爵士（邵逸夫）都係套現，管理層唔轉，節目質素係唔會轉，轉老闆都冇乜意思。」袁彌明更大彈無綫周日播出由曾華倩主持的節目《心有靈犀》，她狠批：「睇到媽媽聲，唔知個節目做乜嘢，好似亂咁嚟咁，冇主題冇重心。我平時唔會睇無綫節目，但有時去酒樓，見電視播先睇，不過次次賴嘢都嚇親。」採訪、攝影：李珮洳、溫敏芝、林妃 
無綫天氣女郎出身的黃婉曼，去年已過檔 now，對於無綫易主，只會隔岸觀戰。資料圖片
留言列表
