殼王陳國強入主無綫，將令香港電視業改朝換代。牽頭領軍殺入 TVB的殼王半生傳奇，曾先後與多名電視台出身的女藝人扯上關係， 06年他與郭羨妮的緋聞更盛極一時，而郭羨妮又曾被指搭上馬浚偉和馬德鐘，換言之現在雙馬加殼王將濟濟一堂，四角關係再被翻炒。殼王由過氣情敵變老細，馬浚偉揚言緋聞是過去式，撞正殼王絕不尷尬；馬德鐘則靜觀其變，不排除明年約滿後轉戰內地。
其他娛樂名人影片
現年 54歲的殼王陳國強雖然早年已婚，但其緋聞毫不遜於當紅男藝人，且他與電視台出身的女藝人特別有緣，先後與郭羨妮、佘詩曼、徐子珊、葉璇和張玉珊傳緋聞，當中尤以郭羨妮和葉璇傳得最盛。
放大圖片 
郭羨妮與馬德鐘傳緋聞時，有指馬德鐘的老婆曾憤然離家。《忽然 1周》圖片
放大圖片 
當年郭羨妮盛傳獲陳國強照顧，她拍《臥虎》之時，竟然有四個保鑣護駕，派頭十足。資料圖片
做女主角保鑣護駕
05年殼王和葉璇在北京夜店跳辣舞，葉璇磨爆殼王一度成為熱話；至於郭羨妮也不輸蝕，翌年被指有殼照，在電影《臥虎》中升呢女主角，兼有四大保鑣護駕拍外景，排場勁過天王巨星。郭羨妮買車買樓樂無憂，但兩人緋聞隨着殼王在加國夜會張玉珊而落幕。郭羨妮緋聞男友成籮，馬浚偉和馬德鐘就曾跟她傳過緋聞。前者 02年與郭羨妮合作《洛神》時撻着； 06年郭羨妮桃花更盛，先傳馬德鐘再傳殼王。沒想到如今殼王入主無綫，雙馬一殼突然共冶一爐，但馬德鐘揚言無懼撞殼尷尬，他昨在電話中說：「呢啲傳聞啫，一定唔會呀！」他又表示不認識殼王：「見到面會打招呼，但冇交換過電話。」
放大圖片 
最近熱播的新劇《隔離七日情》有不少郭羨妮與馬浚偉的親熱鏡頭，令二人的緋聞被翻炒。 劇照
放大圖片 
陳豪昨晚拍外景時表示不會理會易主之事，爭取時間讀劇本。
馬德鐘等約滿離巢
殼王緋聞多，無綫他日開劇隨時重女輕男？馬德鐘卻說：「 TVB係上市公司，唔會公司化嘅。」若殼王拍板專開女人戲又如何？馬德鐘就否定：「工作嚟嘅，唔係玩吖嘛。我相信轉老闆對演員影響唔大，都要拍嘢，要完成合約 o架。」據知馬德鐘尚有一年約滿，早前有內地消息指他或離巢闖內地市場，對此他說：「想搵食吖嘛，內地市場大，希望兩邊兼顧，但我唔會完全放棄香港，公司未同我傾約，正好睇吓轉老闆之後有乜改變。」馬浚偉和新老細殼王都曾與郭羨妮扯上關係，馬仔昨說：「緋聞都係以前嘅嘢，過去咗，我同 Sonija(郭羨妮)係好朋友，家都成熟啦，緋聞嘅嘢唔會擺喺心。至於陳生嘅緋聞，我真係冇留意，呢啲新聞都係得啖笑，最緊要係新老闆入嚟，對公司好啲，對製作多啲支持已經好開心。」與殼王碰面會否尷尬？馬仔笑道：「唔好咁儍啦，緋聞嘅嘢有乜需要尷尬？」講到殼王或重女輕男，馬仔說：「陳生係一間大公司嘅老闆，係辦大事嘅人。總之我保持一個心態，就係默默耕耘。」除了與殼王關係奇特的雙馬外，其他藝員也對殼王入主各有意見。陳豪、鄭少秋和陳茵媺昨在尖沙嘴拍攝《心戰》煞科戲時，有指殼王可能較重視女藝員，陳豪說：「我從來冇諗呢啲嘢，做好本份拍好戲，其他嘢唔會理。」
秋官讚殼王追女叻
秋官早前拍戲跌親，昨他繼續搏殺，親自上陣拍被吊起的戲份。對於殼王緋聞一疋布咁長，秋官竟讚他：「佢追到，佢叻，佢好嘢，唔係個個都得。」他又希望殼王加薪振奮人心。提到賭王爭產滿城風雨，結過幾次婚的秋官說：「我都好想好似何生咁多錢，但唔想有佢咁多嘅煩惱。我生活都過得去，食粥三餐，粥水個粥呀。」秋官直認已作好遺產安排，「但自己唔多，冇乜可以爭。」同場的陳茵媺聞悉與殼王傳緋聞的女星均是 TVB出身後，即驚嘆說：「全部都係 TVB，好有 taste呀！」她不怕與殼王傳緋聞，更多次強調希望殼王能給她機會，進取異常。採訪：夏琴、卓寶花攝影：葉君海 
冠軍級靚女郭羨妮當然不乏追求者，當中包括當紅男藝人和商界才俊，殼王陳國強（小圖）也傳是追求者之一。資料圖片
有情歲月：惹火尤物
樣靚身材正的郭羨妮，入行後緋聞不絕，除了殼王陳國強之外，也曾先後跟多位靚仔小生傳過緋聞，當中包括古天樂、馬浚偉、黃子華及馬德鐘等， 06年她拍攝劇集《學警出更》，盛傳她與有婦之夫陶大宇拍攝一幕濕吻戲時撻着，形象插水，換來「狐妮」惡名。最近拍攝新劇《抉宅男女》時又傳撻着三哥苗僑偉，要出動三嫂戚美珍平息風波，十分惹火。 
《 FACE》圖片
留言列表
