明星靚相大分享☆

下月 79歲的「長城」大公主夏夢久未公開露面，前晚銀都電影公司六十周年慶典兼春茗，被鮑起靜稱為永恒美麗代表的夏夢賞面出席，風采依然的她一到場成為焦點，更被台前幕後的人員爭相邀請合照，夏夢任影唔嬲，舉手投足盡展巨星風範。

銀都電影公司前晚在尖沙嘴舉行六十周年慶典兼春茗，昔日銀都台前幕後的工作人員都畀面出席，霍震霆、樂易玲、梁愛詩、何麗全都有撐場，內地女星黃奕、「長鳳新」訓練班出身的鮑起靜和老公方平均有現身，不過要數前晚焦點，就落在有「長城」大公主之稱的夏夢身上。

眾人爭相拍合照 放大圖片

內地女星黃奕恍如小 fans般走到夏夢身邊合照。

下月 79歲的夏夢已息影多年，前晚她罕有現身且一早到場，風采依然的夏夢獲安排坐於霍震霆旁邊，兩人不時有傾談，但夏夢就全程被台前幕後的工作人員包圍，更被眾人爭相邀請影合照，成為人肉佈景板，具有巨星風範的夏夢雖久未面對鏡頭，但她仍十分樂意與眾人影合照，連黃奕也如小粉絲一樣埋身與她合照，足見夏夢魅力驚人。身為「長鳳新」訓練班最後一屆學生的鮑姐表示到達現場見到一眾師兄師姐十分高興，她說：「有啲 90幾歲嘅導演仍然健在，好開心，夏夢亦係永遠美麗，今日最齊人，自己睇到當年 19歲拍《屈原》時乜都唔識，真係好好笑，以前嘅導演唔會鬧演員，但每做完一個鏡頭演員就會睇導演嘅眉頭眼額，睇吓收唔收貨，雖然成長慢啲，但根基就夠紮實。」

霍震霆支持晶晶 放大圖片

鮑起靜和方平都屬「長鳳新」訓練班出身，其後更結為夫婦。

此外，近日有傳郭晶晶退役後會嫁給霍啟剛，霍震霆就刻意避談，並說：「唔好問呢啲，佢做番所有優秀運動員嘅正常里程。」他也拒回應是否恨飲新抱茶及是否希望兒子成家立室。採訪、攝影：馬建華


艷麗依然的夏夢，前晚一出現即成為全場焦點。