劉嘉玲與張栢芝合作賀歲片《最強囍事》前晚首映，較年輕的栢芝以性感壓倒嘉玲，但嘉玲擺老公上枱的豪情也不輸給愛將老公兒子掛嘴邊的栢芝。嘉玲自爆常遭正拍《一代宗師》扮葉問的梁朝偉當活動木人樁練詠春；栢芝也不介意展現心中只有霆鋒，她直言忘記了古仔在戲中有搶婚戲，並說：「我淨係記得我嫁咗畀謝霆鋒。」玩晒幸福兩女各不相讓。
其他娛樂名人影片
黃百鳴前晚與劉嘉玲、張栢芝、熊黛林、古天樂及甄子丹等於會展出席《最強囍事》首映禮，嘉玲與栢芝兩代靚女同場，二人皆為敢言敢愛敢恨的新女性。論性感，較年輕的栢芝以 tube dress稍勝穿喱士外套的嘉玲，但二人鬥晒幸福為新戲宣傳，則可謂平分春色。前晚當眾演員在台上談拍攝感受，嘉玲被問到與子丹可擦出火花時，她即說：「似曾相識，葉問吖嘛，我一路以為佢係硬朗鐵漢，原來係好溫柔嘅男人。」又拉埋正拍《一代宗師》扮葉問的老公梁朝偉落水，嘉玲說：「我喺屋企係活動嘅木人樁，經常要幫人練詠春，所以呢樣功夫唔陌生。」
放大圖片 
張栢芝拍過不少結婚戲，腦中只記得自己嫁了謝霆鋒，晒幸福功力一流。
放大圖片 
劉嘉玲自爆是梁朝偉的活動木人樁，晒幸福不輸栢芝。
放大圖片 
栢芝自嫁霆鋒後，每次公開發言都老公兒子不離口。資料圖片
放大圖片 
嘉玲近年電影事業成績猛進，但她謂這輩子也比不上老公。資料圖片
嘉玲子丹又頂嘴
嘉玲再與子丹同接受訪問，她謂偉仔還在內地拍戲未返港，談到她有份主演的《讓子彈飛》內地票房破 7億，嘉玲說：「我知，好開心，電影蓬勃會更好，十億二十億都睇到。」她憑該片角逐亞洲電影大獎的最佳女配角，嘉玲肯定地說有信心得獎，可期待電影成績拍得住老公？嘉玲說：「唔會，拍馬都追唔到，呢世都追唔到。」有指偉仔在嘉玲心目中地位崇高，她聞言說：「太高喇，我要下一世再嚟過。」而當在旁的子丹談到有人提議票房好的話裸泳，嘉玲即謂：「你先係主角。」子丹說：「我露過啦，你未露過。」嘉玲反問：「你要我露乜？」子丹說：「露番兩手啦。」
放大圖片 
熊黛林被問到是否會與郭富城不訂婚便結婚，她支吾以對。
放大圖片 
Donut成員、 o靚模曾寶玲也以性感示人，有睇頭的上圍吸引不少注意力。
汪詩詩疑似大肚 放大圖片 
動漫 Maggie谷胸出席首映，搶了不少鏡頭。
玩晒幸福，栢芝絕不相讓，老公兒子不離嘴邊，她在台上談及自己久未拍戲，復出遇到陳慶嘉導演，大讚他很用心，又說：「我拍得好開心，有時拍完或者拍緊時會喊，點解導演可以咁用心？好感動，以犧牲唔見仔嘅時間嚟完成部電影。」她又謂與古仔太有默契，又說：「我哋今次相愛不能愛，以前係情侶愛大家。」古仔即露出一副質疑表情說：「其實最後我哋係相愛 o架，我有去搶婚 o架。」栢芝尷尬地笑說：「我真係唔記得咗，我淨係記得我嫁咗畀謝霆鋒。」全場大笑拍手，栢芝還不收口：「真係唔記得咗，同你着過婚紗，我唔記得呀。」古仔後來大爆栢芝經常將兒子掛口邊，讚她比以往幽默且很像一個母親。前晚穿低胸短裙現身的熊黛林否認之前有傳她與郭富城已訂婚，至於阿城也說沒想過結婚，熊黛林竟謂：「如果冇講我個名個答案可能會唔同。如果對號入座，我都唔會答。」此外，甄子丹和太太汪詩詩昨日齊齊現身養和，由於子丹全程小心翼翼地扶住愛妻出入，即時令人揣測其妻再度懷孕，不過昨日記者致電甄子丹求證時，他就否認其事，並說：「太太雙眼發炎啫，聽你咁講，我都想，等我今年努力下。」採訪：張俊銘、溫敏芝攝影：陳俊強 
賀歲片《最強囍事》有強勁陣容，古天樂、熊黛林、張栢芝、劉嘉玲和甄子丹前晚盛裝出席首映。
志偉踩場撩黃百鳴裸跑
其他娛樂名人影片
前晚黃百鳴的賀歲片《最強囍事》首映，宿敵曾志偉穿上打對台賀歲片《我愛 HK開心萬歲》 tee，帶着林欣彤、呂慧儀及高海寧等往踩場。
望收 4千萬票房 放大圖片 
曾志偉穿上《我愛 HK開心萬歲》 tee，帶着林欣彤、呂慧儀及高海寧等往《最強囍事》首映踩場。
志偉與黃百鳴握手，又齊齊接受訪問，談到踩場之事，志偉笑說：「唔好咁講，細嘅唔識，帶佢哋嚟學嘢，呢套有最強卡士，大家互相嚟吓，聽日我哋首映，子丹同嘉玲都嚟啩，唔係唔嚟呀？」志偉又誇下海口謂若兩片皆過 4,000萬票房，他與黃百鳴裸泳與裸跑謝票，黃聞言只笑不語，志偉續說：「俾佢揀先啦，如果佢唔想俾人見咁多，咪裸泳囉，唔怕俾魚咬嘅話，要渡海喎。」志偉可會操弗身材去裸跑？他說：「不嬲係咁，大家睇慣劉華，都可以睇吓我一嚿腹肌跑吓跑吓。」黃百鳴則謂：「 4,000萬過硬啦。」採訪：溫敏芝攝影：陳俊強 
上次賀歲檔鬥個你死我活的志偉和黃百鳴
留言列表
