將於三月開個唱的呂方，繼自評跟舊愛鄭裕玲（嘟嘟）相戀的十六年是「坐監」後，旋即引來外間狂插；日前又有一內地女子周小燕指控他騙財騙色，更公開二人的情慾短訊。
負面新聞纏身的他，一於懶理，自回復單身後，多女埋身，更自爆跟三個高質素中女處於「發展階段中」，生活不愁寂寞。日前本刊目擊呂方孖兩女到中環老蘭夜蒲，果然疏乎！
日前呂方一拖二到蘭桂坊夜店消遣，一男兩女，呂方應付自如。
三人原坐在酒吧門附近，後來轉枱到較陰暗處繼續聊天。
兩女陪飲
自○八年跟鄭裕玲甩拖後，自稱「放監」的呂方，生活確實多姿多采。早前接受訪問時，自爆獲中港女士爭崩頭，他說︰「唔係一個，係三個對我『有啲感覺』，佢哋全部都係三十幾歲左右，專業人士，有香港、大陸……依家三個都係發展階段。」本刊日前便發現呂方孖兩女結伴夜蒲蘭桂坊，看來所言非虛。
當晚十時許，呂方駕車現身蘭桂坊，同行還有兩名年約三十多歲的中女。現場所見，由呂方帶路，跟兩女前後腳到酒吧。入到場後的他，戒心明顯放鬆，加上有兩女相陪，分外風騷，且在酒精的影響下，不停碰杯對飲，情緒愈見高漲。三人愈企愈埋，不時細聲講大聲笑，把酒言歡至凌晨三時，相當盡興。
上周五（廿八日）晚，呂方表示對桃色指控一笑置之，但仍講到皺晒眉頭。
呂方指熟他的人都知其個性，蔡一傑更當眾錫他力撐。
全站熱搜
留言列表
