於新年期間遇到最掃興的事，就係眼見牛肉乾在車頭水撥間飛揚，真的睇到眼火爆！很多車主總受根深柢固的觀念影響，以為警察在新春期間亂泊車都放大家一馬，難免抱有博一博的心態！但係博都要博得精明，今日就醒幾個新春高危位畀大家，無理由明知係地雷都要踩嘛！記者：趙慧敏攝影：梁細權
免死金牌一樣抄 放大圖片 
■警察出晒路牌，呢啲地方博唔過。
新春佳節，當然會一家大細出外拜年，今時今日仍然以為年初一至年初三可以有免死金牌，隨街任泊車？似乎太大想頭了！不過人人都揸車出街，有時公眾停車位真係唔多夠，冒吓險泊喺街邊，似乎又好難避免，不過農曆新年呢幾日假期出外，真係有某啲地方千祈咪博，因為中招機會可以話有九成九。
年三十晚 花墟晨早駐重兵 放大圖片 
■花市人頭湧湧，泊部車喺附近，警察唔拖車就怪。
年三十晚食過團年飯，最重要嘅節目當然是行花市，買棵靚年花，不過人人都咁諗，人多之餘，車一樣多，警察叔叔自然部署喺重要位置，有時唔止趕車咁簡單，泊低部車隨時焗住抄，如果唔小心擺係路面阻塞交通，隨時車都俾人拖走。至於高危地方，除了維多利亞公園的年宵市場外，旺角花墟一帶都好危險，最近呢幾日已經日日夜夜駐重兵，趕車之餘，就算貪就腳違例泊喺附近，一樣照抄，各位司機小心為上。
放大圖片 
■年近歲晚，想喺旺角花墟泊低部車，隨時要兜成粒鐘。
放大圖片 
■警察近日已經喺花墟駐重兵，唔想收牛肉乾，還是避免違泊。
年初一 5:00pm前撤離尖沙嘴 放大圖片 
■大年初一花車遊行，尖沙嘴彌敦道一帶提早封路，無乜事就咪揸車入去。
花車巡遊是大年初一的頭號活動，活動會喺晚上八時舉行，遊行路線喺梳士巴利道、文化中心、彌敦道及海防道一帶，不過為控制人流車流，警察會喺傍晚就開始封路，喺區內亂泊車，接牛肉乾似乎難以避免，不過就算泊喺附近停車場，隨時因為封路令你出唔到車，一樣咁狼狽，所以當日去附近嘅話，最穩陣下午五時前就要撤離。
放大圖片 
廣東道附近有多個停車場，一旦封路會走唔到，記緊提早揸走架車。
放大圖片 
放大圖片 
年初二 海傍一帶隨時封路
大年初二煙花滙演，維港海岸自然逼到爆，部份錶位會停用，違泊就隨時換來拖車命運。高危位包括中環、灣仔及尖沙嘴一帶海傍，隨時會封路。至於西九龍海濱長廊是賞煙花的絕佳地點，不過長廊前的停車場在這段時間亦很可能會停用，如要泊車，還是選擇其他停車場。
放大圖片 
■煙花滙演當晚，幾十萬人喺維港兩岸，想亂泊車咪發夢！
放大圖片 
■尖沙嘴碼頭平日仲可以偷雞泊一陣，不過初二就唔好亂嚟。
放大圖片 
■西九龍海濱長廊坐擁無敵煙花景，不過當日停車場暫停使用，有車嘅話都係泊喺附近圓方停車場安全啲。
放大圖片 
■梳士巴利道早於傍晚已實施交通管制，出入該區要留意交通報告。
年初三 黃大仙 8:00am前泊好車
一般人都避免於赤口日拜年，這日拜神就最啱，車公廟黃大仙廟會實施交通管制措施，警察不時在附近巡邏，奉勸大家不要抱博一博的心態隨處亂泊。今年的好時辰是上午 7-11時，人流高峯潮應在上午 9時，預早泊入停車場最穩陣。
放大圖片 
■初三赤口不宜拜年，不少人走去拜神，車公廟人流特多。
放大圖片 
■離黃大仙廟不遠的盈鳳里是違泊重災區，不過記者每年都見有人中招。
放大圖片 
■黃大仙廟附近有多個露天停車場，無謂亂泊車。
放大圖片 
■未到新年警方已在附近豎立警告牌。
留言列表
