2008年港姐冠軍張舒雅轉戰模特兒行業發展，加盟 Style公司，與熊黛林及 Angelababy成為同門，日前張舒雅相約同門幾位曾在巴黎、紐約行過大型時裝騷的姚予晴（ Mikki）、戴小奕及劉丹等師姐偷師。四位高妹齊寫揮春勉勵自己兔年順利，張舒雅搞笑地寫下「貓步順利」， Mikki則希望「有屋有地有 Sunny（男友英文名）」，小奕則祝願「股票又漲」，劉丹笑言要「兔年樣樣好」。
「似牛咁勤力」 放大圖片 
（左起）戴小奕、張舒雅、劉丹和姚予晴一同寫揮春賀新年。
肖牛的張舒雅笑言自己擁有牛的性格，她說：「自己都似牛咁硬頸，亦可以好似牛咁勤力。」曾被冠名「最 Hea港姐」的她，因愛上當模特兒已變得積極，她笑言：「我覺得自己已經除名，家心態積極好多，之前已開始上台行騷，逐漸搵到節奏，行完 TDC場騷，好開心，緊張得嚟又興奮，自己好鍾意行騷，希望今年可以多啲機會行騷，所以會好勤力，希望學多啲新嘢，發展順利冇路障。」作為師姐的 Mikki、小奕及劉丹都力撐高䠷的張舒雅有潛質， Mikki說：「外表條件都 OK，係缺乏經驗，每一次行騷經驗都好寶貴，做模特兒一定要有自信心，少少懷疑就會對自己表現打折扣，要好有專業態度，唔可以情緒化。」採訪： Rita Leung攝影： Ricky Ip服裝提供： Marc Jacobs場地提供：中環 ifc髮型： Cooney、 Alex、 Keith of P.O.P 
肖牛的張舒雅寫「貓步順利」揮春，鼓勵自己似牛般勤力發奮。
全站熱搜
留言列表
