馬德鐘曾經做過 G4，唔怪得佢自認拍警匪片係強項，噚日馬德鐘就為無綫新劇《飛虎》進行拍攝，仲同敖嘉年有場打交戲，佢話唔怕演打戲，反而驚拍爆破場面會受傷喎。
放大圖片 
馬德鐘（右）話自己學過功夫，唔怕同敖嘉年過招。
放大圖片 
《飛虎》班演員早排着晒飛虎隊制服宣傳，劇中當然唔少得爆破場面。資料圖片
敖嘉年過招
噚日馬德鐘同玩開「大聖劈掛」嘅敖嘉年、仲有艾威，喺屯門荒廢咗嘅海水化淡廠拍一場打交戲，敖嘉年話佢自己係客串，今次做個俾人蝦嘅果欄太子仔，去搵艾威尋仇。問敖嘉年怕唔怕自己嘅「大聖劈掛」會打傷馬德鐘？佢話：「我都拉傷咗，之前可能天氣凍，冇好好熱身。」記者再問馬德鐘對住「大聖劈掛」擔唔擔心？佢好有信心話：「唔擔心，我都學過功夫，又有武指度招式，不過之前都有好多演員受傷，我聽日又要同黃德斌拍打交戲，佢係做悍匪。」
鐵線插傷頸
馬德鐘唔怕同人打，又唔怕俾人打，但最怕係拍爆破戲，佢話：「睇到 S.H.E嘅 Selina拍爆炸戲受傷單新聞之後真係驚，上次拍《原來愛上賊》又係，拍爆炸戲時有支鐵線飛插埋嚟傷到條頸，所以真係好危險，危險鏡頭會盡量自己做，但如果太危險都會同武指商量吓先。」 
敖嘉年（左）同馬德鐘為打交戲試位。
全站熱搜
留言列表
