「Sa基戀」再現危機，不過今次唔係鄭中基衰偷食，而係阿Sa有新追求者，盛傳早前女方於內地結識一名靚仔高幹子弟，對方情傾阿Sa，經常 飛來香港，展開追求攻勢，而呢位追求者的條件更比基哥有過之而無不及，隨時爆發三角戀！

唔止為男人煩，為女人一樣費心，眼見阿嬌事業未如理想，阿Sa不惜推Job、劈價，於4月舉行Twins復合演唱會，希望助阿嬌再壯聲威，據知，英皇方面已落實個唱大計，實行「借Sa谷嬌」！

自04年譜出「Sa基戀」後，其實唔止鄭中基多桃花，阿Sa一樣多人追，不過阿Sa對愛郎死心塌地，就算男方屢被揭發咀女、蒲Bar行徑，她一樣當睇唔到，將盲目愛情發揮到極致。

來港力追

不過盲目歸盲目，阿Sa咁好條件身邊點會少裙下之臣？最近傳出阿Sa在內地工作時，邂逅一名高幹子弟，對方更係Twins Fans，識唔夠一個禮拜隨即展開熱烈追求。

「佢真係好痴心，頻頻飛香港探阿Sa，又包場請睇《阿凡達》，又做外賣仔送福臨門宵夜，仲話要買層豪宅做禮物賀阿Sa頒獎禮有好成績，嚇到阿Sa猛咁Say No！」知情人稱。

男伴護花

高幹子講心又講金，傻先唔心動，「以往阿Sa對呢類觀音兵好決絕，唔聽電話、唔出街，但對佢明顯手下留情，都叫做Keep住聯絡，其實大家都覺得佢條件比Ronald好，起碼睇落比較踏實。」知情人續稱。

本月中，記者發現阿Sa同一名年約三十多歲的男子到金鐘太古廣場連卡佛Shopping，現場所見，阿Sa心情大靚，不時展露甜蜜笑容，又跟該男士密密咬耳，兩人從衫褲鞋襪睇到手袋、首飾，男伴一直跟隨左右，絕對係一位細心體貼好朋友模樣。

不過當發現記者時，兩人顯得甚為詫異，該男士即時從後門離去，而阿Sa則躲在店內用手機聯絡救兵，大約過15分鐘，阿Sa施施然行去超市會合女助手，繼續掃貨之旅，期間仲用手機煲粥，似乎報緊平安。

甜蜜笑容睇！阿Sa個樣笑得幾甜，唔知仲以為佢同緊鄭中基行街。

姊妹情深今次阿Sa義無反顧撐阿嬌，講心唔講金，兩個字：「偉大」。






arrow
arrow
    全站熱搜

    stacylife 發表在 痞客邦 留言(1) 人氣()

    E-mail轉寄