明星靚相大分享☆

日本明星出名規矩多，上週五（ 22日）晚，難得 AV天后蒼井空接受本刊訪問，但電影公司事先講明中日關係等敏感問題免問， AV問題更加 no way，就連問題內容亦要經翻譯員過濾才可發問，其間記者嘗試直接用日文問問題亦即時被截停，訪問空妹，起碼要過 4關。

 

戲中蒼井空飾演智障女學生，被禁錮在差館初時，劉永及黃樹棠已對佢嘅驕人身材起痰。

 

擁有 36G上圍嘅蒼井空，唔只拍 AV，更曾出過 14本水着寫真集。

 

上週五出席《香港亞洲電影節》開幕禮時，蒼井空就鬼咁錫身，條 tube dress更冚實驕人身材，嘥料喎！

血腥 cult

 

 

涉及血腥、暴力及虐待的港產 cult片《復仇者之死》，講飾演智障女學生的蒼井空同男友 Juno，被劉永和錢小豪等 4個差佬插贓嫁禍， Juno在差館內遭虐待，蒼井空更慘被差佬輪姦，仲搞到因姦成孕， Juno密謀大報復。

全裸好開心

雖然規矩嚴例，但問到對《復》片宣傳有幫助的問題，空妹即自動波合作，提到戲中她的露點全裸演出，她四萬咁口笑住答：「係有裸露鏡頭，但接戲前睇過劇本，覺得劇情需要，冇抗拒。加上拍攝現場氣氛緩和，工作人員又經常同我講笑，拍得好開心。」
剝光豬拍處女港產片已夠爆，最激係戲中空妹在差館慘被飾演差佬的甘草劉永及黃樹棠禁錮輪姦的情節。提到拍輪姦戲，於日本拍過多套 AV的空妹就講到自己好專業：「現實中梗係冇俾人輪姦過，拍攝時惟有將自己想像嘅慘況再加痛苦表情去演，如果真係有咁嘅經歷當然好恐怖，但當時我知係做戲，所以拍攝時唔驚俾人姦。」
據稱電影公司為免蒼井空尷尬，即使空妹冇要求但拍攝全裸及輪姦戲時亦有清場，只留下攝影師、導演及相關演員在場。

「 Juno唔啱我」

處女拍港產片空妹對「 AV」 2個字封口唔提，但 4年前空妹撰寫自傳《空模樣》就大爆血淚史。書中提及身為 AV女優的她曾被人歧視，以為她一定濫交，被人挑逗即可上床，更道出唔少男人認為跟 AV女優拍拖就冇所謂，但到結婚就一定縮沙，所以 AV女優好難嫁得出。被問到寫該書的原因，空妹露出不悅：「其實係出版社搵我出書，唔係我主動要寫 o架！雖然書裏面寫嘅嘢好大膽，但全部真嘢冇講大話 o架！」
講到結婚， 26歲的空妹自爆恨嫁，仲話目標是 32歲結婚。自稱現時冇男朋友的空姐就開出擇偶條件：「鍾意啲有自信，又識保護我嘅男仔，最緊要一齊相處覺得舒服，就算香港男仔都唔介意，不過 Juno就唔啱我囉！」好大塊檸檬啫！

Juno同蒼井空拍《復》片，雖只有 7日同場戲，但就鬼咁 friend，據稱 Juno仲有意出錢開套愛情片捧佢。《蘋果日報》圖片

 

於《香港亞洲電影節》開幕禮中， Juno唔只含情默默望住空妹，隻手更攬住空妹條腰，唔怕混血女友 Janine呷醋呀？

 

結尾 Juno雖殺死劉永報仇，但他與蒼井空亦難逃一死，最後 2人在天堂相聚。

打邊爐撐枱腳

勝利舉 V
雖然同 Juno前後腳步出謙記，但蒼井空亦不忘舉起勝利手勢。《蘋果日報》圖片

 

黑面入場
上週三（ 19日），蒼井空來港當晚， Juno即發揮闊少本色，請蒼井空去銅鑼灣謙記打邊爐增進友誼。

 

10萬一套 AV照拍

 

今年 3月，空妹曾推出 AV片《 Sola樣之 M調教》，玩虐待。

由 02年出道至今拍過 83套 AV嘅蒼井空，近年喺日本拍劇入晒屋，最近更跳出日本殺入香港拍《復》片。話就話為建立正統女優形象已減拍 AV，但原來空妹今年都拍咗 4套 AV片。據稱空妹一套 AV都起碼收 10萬港幣片酬，唔怪得遲遲唔肯退休啦。

捱到胃炎

 

 

來港造勢期間，空妹每日要做 9至 15個訪問，上週五晚卒之捱到胃炎要入急症室睇醫生，難怪佢喺自家 twitter都忍唔住用英文話：「唔想來香港，唔想工作。」