【亞洲小姐競選之冇得再玩】 13位亞姐昨日選出最後 6強佳麗進入決賽，牙尖嘴利又神化的臭口 Barbie廖祉甯雖然外表不俗，但由於經常缺席活動，態度欠佳，結果在黎燕珊及羅霖狠批下被 out出局，事後廖祉甯又喊又笑，更聲言會捲土重來。
其他娛樂名人影片
今年 13位候選亞姐昨日齊集大埔亞視總台，由評判包括黎燕珊、羅霖及陳綺明等選出 6強進入決賽，一班亞姐以自選泳衣及晚裝出現，自我介紹及向評判拉票，最後入選 6強的包括有 4號祁翼、 5號萬嘉麗、 6號李瑩瑩、 9號陳明月、 10號何丫及 12號閔蘭。
放大圖片 
10號何丫來自溫哥華，無論樣貌及身材都絕對是三甲之選。
放大圖片 
12號閔蘭上圍甚有睇頭，穿上泳裝後更見突出，入選合理。
表達能力差 放大圖片 
當被問到是否結婚嫁人時，臭口 Barbie突然變臉淚如雨下。
入選以來被稱為臭口 Barbie的 13號廖祉甯，雖然外形不俗，但態度差又常缺席宣傳活動，加上是非多多，以出位招數自我宣傳博見報，最終被 out。當臭口 Barbie拉票時，她又九唔搭八說：「多謝傳媒，以後如果想知人哋嘅嘢，先要識得體諒人。」出任評判兼亞姐冠軍的黎燕珊及羅霖均表示很重視入圍亞姐的修養及談吐，羅霖直言：「 13號經常詞不達意，真係需要訓練同改進。」提到昨日有雜誌拍到臭口 Barbie做運動時露點，羅霖明寸她說：「佢做模特兒咁耐，冇理由唔知走光，其實走光唔係咁易，除非佢想博出位。」黎燕珊則大彈她表達能力差：「我同佢傾過偈，但真係唔知佢講乜。佢係靚，但操行唔好，工作人員意見個個都話佢令人失望。」至於臭口 Barbie昨仍表現神化，談到宣佈結果時她即時黑面，她說：「係有少少唔開心，我任何時候都係咁，因為我心情轉變得好快，只需兩秒。」她又謂希望遇到伯樂，故此會收斂一下，她更說：「我可能下年再參加，又或者亞視可以搞寸嘴同變臉比賽。」
談嫁人忽喊
提到最近有雜誌又拍到臭口 Barbie做運動時露點，但實則卻有點似自我宣傳時，她笑說：「其實我平時唔係好慣戴 bra，我真係唔知俾人偷拍，我冇感覺。」另外之前有傳她結婚嫁人，她聞言即變臉落淚說：「唔係分手，只係我太開心，其他我唔想講住。」採訪：楊潔雯攝影：陳俊強 
臭口 Barbie廖祉甯以自選泳衣出場，雖然外形合格，但最終欠缺內涵而出局。
留言列表
