朱慧敏（ Queenie）之前喺爾冬陞監製嘅電影《竊聽風雲》中表現備受讚賞，加上公開咗同台灣男友 Rick Chang拍拖之後，難怪佢近日特別精神爽利。上星期六， Queenie嘅男友就因為難忍相思之苦，特登由台灣飛咗嚟香港陪女友度周末。歡樂時光過得特別快，前晚 8點幾就見到呢對情侶喺赤鱲角機場出現， Queenie準備送男友飛機。
放大圖片 
臨別依依，男友攬住朱慧敏唔放。
放大圖片 
朱慧敏噚日一身白色短裙喺尖沙嘴出席明珠台節目記者會。
含情互望 放大圖片 
朱慧敏同男友去到機場，先去咗書局買幾本書。
Queenie同男友先去書店買咗幾本書，之後原本想到樓上嘅酒樓晚膳，但呢兩個讀番書嘅情侶最後選擇到樓下嘅炸雞快餐店食晚餐。男方好有風度咁安頓女友坐低後，就去咗買嘢食。食完飯後兩人手拖手行到閘口，只見雙方含情脈脈互望一輪後，男仔就好溫柔咁錫咗女友額頭一啖， Queenie就表現甜絲絲。依依不捨送完男友後，佢就坐機鐵返貝沙灣住所。據知此行男方見埋湊大 Queenie嘅姨媽姨丈，兩老對阿 Rick嘅印象仲非常好，睇嚟都好事近嘞。另外，朱慧敏噚日同何傲兒及周家蔚喺尖沙嘴出席明珠台劇集《心計》記者會，周家蔚話嚟緊要返內地拍劇。咁咪冇時間結婚？佢話：「做嘢先啦，冇錢點結，同埋想做化妝品生意，可能 10年後先做，但要儲錢囉。」何傲兒講到老友高海寧被疑整容，佢話：「佢面細咗可能因為減肥，瘦得犀利咗啩。」 
朱慧敏嘅台灣男友嚟香港度完周末，前晚朱慧敏送男友機，佢哋拖住手非常恩愛。
全站熱搜
留言列表
