被台灣傳媒形容為金童玉女，如果Chiling真係同言承旭世紀復合，轟動程度拍得住Sammi同安仔。

自爆戀情
由林志玲、陳坤主演嘅新戲《幸福額度》上個禮拜正式上畫，身為女主角，仲要一人分飾兩角，有指演技大躍進嘅Chiling，呢排不斷响國內巡迴宣傳，响其中一次訪問節目入面，Chiling突然自爆戀愛ing：「我有喜歡的人，最近我喜歡幽默的男孩。」究竟係真心話，抑或純粹谷戲做宣傳，但Chiling又真係講到似層層喎：「我還沒有想要結婚，可是我想要愛情，我肯定我要愛情，我最大的希望就是能夠在陽光下手牽手，就很滿足了。」至於男朋友係邊個？Chiling話未係適當時候公開，擔心帶嚟太多負面報導，不過就俾咗個好大嘅貼士：「我覺得兩個人分手，有時候不一定有對或錯，那怎麼樣再繼續，就看兩個人能不能夠知道彼此過去的錯誤，重新面對。」

愛屋及烏
擺明講緊翻兜有情人，至於係馬桶太子爺邱士楷？定係言承旭？Chiling繼續暗示：「我不會嫁入豪門，也不在意，我很肯定完全不在意。」邱士楷確定出局。言承旭疑似再抱得美人歸，Chiling出席電影宣傳活動，俾記者逼供，希望佢公開另一半身份，答案當然係帶記者遊花園：「不能（公開），陳坤老師跟我說，感情的事都不要答！」當事人唔答，記者於是問Chiling嘅「好姊妹」蔡康永：「時間會改變一個人，如果心動過，隔了幾年還是會關心對方，這個人也許會給她（Chiling）新的感覺。」蔡康永仲話言承旭好識關心身邊朋友，早幾日先收到佢送嚟嘅蛋糕，對言大少有讚冇彈。


接受鳳凰衞視訪問，Chiling突然自爆戀情，仲話近年鍾意男仔有幽默感，而另一半更擁有一顆善良的心喎。


舊年言承旭上湖南衞視節目《快樂大本營》，睇番Chiling响同一個節目中提到曾經錯過一段婚姻，言承旭突然眼濕濕，自責唔夠好，唔識表達自己嘅感情，睇嚟當日佢哋選擇分手，彼此都好後悔。 ####


出局愈嚟愈肥嘅馬桶太子爺邱士楷，講真，出局都好合情合理！


同陳坤响北京宣傳新戲，Chiling攞對方做擋箭牌，拒絕公開另一半真正身份。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄