上個禮拜三（十月十九日），劉鎮偉執導嘅新戲《東成西就 2011》响深圳舉行記者會，主角Eason陳奕迅同Stephy鄧麗欣孖住介紹戲中角色，Eason一上台就嚟料：「大家睇吓Stephy個造型，似唔似海參，我都係第一次同海參做對手戲。」


唔止笑未來方太，Eason連王家衞都唔放過：「拍王家衞嘅戲冇人知拍乜，但係拍劉鎮偉嘅戲就唔會。」王大導都敢得罪，Eason死撐：「咁我真係聽人講過唔知王家衞拍咩嘛！大家係咪咁冇幽默感先！」至於同場嘅黃奕，近排同霍思燕因為爭仔响微博展開罵戰，黃奕唔想再挑起是非，決定封嘴：「吵架不可以解決問題，要講、要做的已說了。」心情差，失戀黃奕品味更加出事，無厘頭戴個白色假髮玩驚嚇，好在佢之後𠌥前放低紮花，請晒大家食「大包」，算佢啦！ ####


飾演大反派嘅Stephy，戲中造型頭戴尖帽（箭嘴），俾Eason取笑似海參，當事人笑到收唔到聲，Eason仲一邊笑一邊响台上跑圈。


記者會遲咗開始，記者又趕住返香港，偏偏Eason仲係搞搞震，瞓完梳化影相，又不斷吹水，記者叫停，Eason得戚說：「你哋終於唔想我講嘢！」


對自己一身打扮充滿自信嘅黃奕，得罪講句，戴咗個白色假髮之後，真係好似鄺美雲隻寶貝仔Cash！


咁似我嘅！（設計對白）（《蘋果日報》圖片）


除咗造型出事，黃奕對走光警覺性亦相當之低。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄