好搵過拍戲！（設計對白）"
有斬獲
賣廿年西貢舊居 梁朝偉勁賺三千萬
2010年10月21日
向來鍾情買磚頭（樓）保值的梁朝偉， 90年以五百萬買下西貢海天灣 2,500呎洋房，作為母親的安樂窩。長揸廿年，眼見樓市暢旺，樓價逼近 97年高位，遂將物業放盤。唔夠三個月，上月尾成功以 3,236萬賣出，勁賺 2,736萬。
影帝演戲叻，投資仲叻！
鐵價放盤
梁朝偉投資物業，獨愛極有升值潛力的花園洋房及罕有的複式單位，心頭好永遠重質唔重量，唔計山頂愛巢，過去廿年，手頭上只有兩個由他和母親梁麗娟開設的公司「 Tele Video System Company Limited」持有的物業，包括淺水灣怡峰三○九九呎複式單位連車位，以及西貢海天灣二五○○呎花園洋房。
九○年以五百萬買入的海天灣，梁母居於上址多年，持貨廿年，不少地產代理開高價求售，偉仔都不為所動。
「西貢花園洋房近幾年好渴市，之前有幾間物業代理開出好價叫佢哋（梁母）放，但一直無厘反應，直到今年七月，佢哋突然改變心意話放盤，不過個價就企得好硬，講明三千萬起步。」一名地產經紀透露。
放盤兩個多月，上月尾，梁母終於以 3,236萬扑槌出售舊居，平均呎價挨近萬三蚊，賬面賺二七三六萬。
梁母的海天灣洋房，單位向海，天台設玻璃屋擺放洗衣機等雜物。
梁朝偉與母親以公司持有的西貢海天灣住所，於九○年以五百萬買入，持貨至上月底賣出，激賺 2,736萬。
片酬四千萬
投資獲利，片量不多的梁朝偉片酬卻有增無減。
「年頭都仲係二千八百萬一部，但最近已經開到四千萬，偉仔接戲同買樓一樣，貴精不貴多，有時的確係將片酬嗌高推戲，偏偏又有人俾，所以愈嗌愈高囉！」知情者說。
財源滾滾，不過，老婆的婚外緋聞亦沒完沒了，面對嘉玲與內地富商景百孚親密照流出，他表面上當無件事，開腔力撐：「我睇住呢張相，覺得係正常社交，我絕對信任劉小姐。」不過身經百戰的偉仔，早前到上海出席活動時，卻罕有取消訪問，避見傳媒。
梁朝偉投資選擇長期持有，見機獲利；磚頭如是，老婆更加唔可能換馬啦！
單親家庭長大的梁朝偉與母親梁麗娟感情要好，圖為去年平安夜兩母子與偉仔胞妹食飯過節。
雖然做咗梁太，但嘉玲仍不時被發現在內地與異性夜蒲，出雙入對。
嘉玲與內地富豪的親密照曝光後，八月梁朝偉到上海出席活動時全程黑面，並拒絕接受傳媒訪問。
老婆冇份
梁朝偉入行廿八年，投資獨愛磚頭，即使同嘉玲拍拖多年兼拉埋天窗，但二人財政獨立，影帝買樓，除了山頂愛巢，都無老婆份，只預阿媽。
淺水灣怡峰
山頂和福道
留言列表
