有「電眼美人」稱號嘅林熙蕾，响8月31日剖腹誕下囡囡楊若妤（Kaitlin），始終第一次做人媽咪，兩母女出院之後，一直住响「坐月子中心」，由專人照顧，話晒老公楊晨响美國做時裝生意白手興家，為咗老婆同個女，使多多錢都冇問題。


最近兩母女終於返屋企休息，林熙蕾同老公夾手夾腳一齊湊女，新手上路，除咗雞手鴨腳外，其中一次林熙蕾用奶樽餵奶，點知囡囡唔肯飲，仲喊到唔肯收聲，林熙蕾一時鬧個女，點知最後發現原來個奶嘴未開窿，阿女想飲都飲唔到。擺明大人唔啱，林熙蕾勁內疚：「寃枉了她……。」咁都得，睇嚟請多個陪月响屋企穩陣喎！ ####


預產期原本响9月中，但囡囡趕住要出世，家陣兩母女留响台灣生活，難為爸爸楊晨，要台灣美國兩邊飛，打理生意、照顧屋企。


囡囡要打預防針，楊晨响微博留言，佢流嘅眼淚俾囡囡仲要多，心痛到暈！


林熙蕾話收到好多長輩送上金器做祝福，佢兩公婆早幾日同囡囡剃光頭，做胎毛筆留為紀念。


已經個幾月大嘅Kaitlin，望落似爸爸多啲，女生男相。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄