句句金

 

黎耀祥早前接受報章訪問，自言身處娛圈大染缸，難免有誘惑，偷食，個個男人或多或少都想。好彩佢淨係想，冇付諸行動過。好男人個「朵」，仲保得住。

 
李嘉欣為怕囝囝Jayden變成港童，已訂立規矩唔可以寵壞兒子。就連老爺奶奶都唔可以，當然一定聽我規矩啦！人哋話做人新抱甚艱難。原來錯嘅，睇吓李嘉欣吖，仲霸氣過老爺奶奶，媽咪姐羨慕死。


潮流興閃婚，阿嬌坦言唔會仿效，因為閃婚嘅都唔係佢年紀嘅人，是舊一點的藝人。即係暗踩人哋老啫，佢自己都三張嘢啦，過多幾年咪輪到佢閃婚囉。


Jessica C. （JC）捲入600元偷竊案，其疑似淫照日前亦慘被公開，轟動model界。元老級model馬詩慧認為影淫照係病態所為，唔明白背後意義係乜，美好嘅回憶唔使吓吓影低。講得啱，有啲嘢在心中咪好囉。貪玩將美好影低，依家變痛苦教訓囉。


𡃁模許穎怒轟公開淫照嘅人賤格，更表示冇興趣睇淫照，
睇自己都一樣啦。
唔一樣，JC嗰個係警鐘，佢嗰個係D級胸，外形都唔同啦，夾硬話係一樣，唔通佢老花？


周秀娜亦表示從冇影過淫照：做嗰啲嘢時係享受，仲要對住鏡頭會好攰。唔好話被影嗰個攰，揸機嗰個又要燈光又要角度，都好多功夫㗎。影得嚟不如唞多陣仲好啦。 ####

arrow
arrow
    文章標籤
    句句金 忽然1周 847期
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄