我哋值喎!(設計對白)
今時今日梗係收多啲。(設計對白)"
探熱針
搞掂財神阿 Sa 陳偉霆 100萬接情侶騷
2010年10月21日
自認一齊三個月的蔡卓妍(阿 Sa)跟陳偉霆( William),被踢爆於年多前已背住另一半暗交,男方亦因阿 Sa帶挈,黐住登台拍廣告,令在內地零知名度的他掘到新財路。
其實 William脫離 Sunboy'z作個人發展後,因自知條件有限,早已部署做「翻版謝霆鋒」,專黐有知名度女星,連自己友容祖兒、鍾欣桐亦一律冇放過,搞掂「財神」阿 Sa後, William更以天價一百萬接情侶騷。
貴過 Twins
週一(十月十八日),高調宣布同阿 Sa拍拖後,陳偉霆隨即有「老細」搵上門,單拖出席在海港城舉行的「萬聖節南瓜夢工場」活動,對於近日種種負面報導,全部否認之餘,更一再強調「 Sa霆戀」只開始了三個月,也沒有在身上的舊紋身整多一個「 S」字,以掩蓋同 Angelababy的「愛紋身」。外間不看好二人戀情,他抄阿 Sa以新歌回應:「希望我哋簡簡單單,一概流言蜚語冇必要回應。」
曝光利搵錢,流言其實愈多愈着數。本來騷價只有二萬的 William,因為公開跟阿 Sa親密關係,身價亦如願大幅度上升,由二萬直颷五萬,出席內地活動更開價六萬「人仔」,由於有內地客想 book定二人明年情人節做騷,英皇一於價高者得,開出一百萬「 Sa霆」合唱,貴過 Twins八十萬騷價。


二千年,王菲跟謝霆鋒拍拖,當日女方拖住男方見記者,自此謝霆鋒在內地人氣不斷上升。
 
有樣學樣,陳偉霆宣布新戀情後,亦特登搭住阿 Sa膊頭影相。
 
氹掂容祖兒,陳偉霆在○五年的《 Show Up》紅館演唱會,被欽點跟師姐在台上大跳辣身舞。
 
人氣急升的陳偉霆在助手陪同下到柴灣接受雜誌訪問。
 
陳偉霆一度冧阿嬌,兩人合作做騷,他亦攬到對方實。

翻版謝霆鋒
「其實 William早有部署,佢想學當年嘅謝霆鋒咁,同王菲一齊之後,多咗好多內地人留意佢,謝霆鋒都係把握住嗰次機會,好快打到入內地市場, William嗰日喺機場特登搭阿 Sa膊頭,情況就同王菲當年拖住謝霆鋒出嚟見傳媒一樣,搞到唔知佢係乜水嘅人,都因為阿 Sa留意佢。佢同英皇仲有五年約,唱歌又麻麻,唱片唔賣得,拍戲就算俾佢擔正都唔掂,如果想長做長有, William知道一定要揸番住啲嘢喺手,所以佢堅持公開同阿 Sa嘅關係。」知情者說。
事實上,陳偉霆一直冇放過任何機會搏上位。據了解,仍然是組合 Sunboy'z成員時,他曾發功冧掂一姐容祖兒,○五年容祖兒開騷,兩個人在台上跳辣身舞,容祖兒更公開大讚他勤力有潛質,之後英皇解散 Sunboy'z, William亦被揀中個人發展出唱片,唔似得張致恆及麥子豪,連影都冇。


黐住阿 Sa後,陳偉霆在女友力推下,工作量不斷增加,阿 Sa早前更搵他做曰 MV「兩個人一心」的男主角。
 
陳偉霆冧掂一姐容祖兒後,逐漸埋身 Twins,跟二人不時合作的他,更擺晒甫士影合照。
 
跟張致恆(中)、麥子豪(右)合作組合 Sunboy'z,當時仍是師弟身份的陳偉霆,仍未操到六嚿腹肌,身形瘦削。
 
陳偉霆被網民翻出箍牙娘爆舊相,當時的他仍是單眼皮,要黐膠紙變雙、扁鼻、下巴圓圓未改造。


唔紅唔黐
埋到容祖兒身,加上跟 Angelababy緋聞炒作,令陳偉霆增加不少曝光率。近兩年,他更加唔紅唔黐,又逐漸疏遠一齊出身的 Sunboy'z。合作電影《前度》期間,明明當時向佐是阿嬌的目標,他依然唔理咁多,有殺錯,冇放過。
「一年前開始,佢已經換埋用阿 Sa嘅髮型師同化妝師,連跳舞老師都係同一個。自從公開同阿 Sa之後,有好多內地客出高價搵佢哋一齊做嘢,因為阿 Sa近排要拍《白蛇傳》就接唔到,不過 William就算單拖,都即刻多咗機會。」知情者說。
口甜舌滑
陳偉霆為咗收服佢口中的 Sa Sa,不時製造機會近水樓台外,氹女口技亦相當了得。
同一星座


因為阿 Sa同自己的生日只差一天, William便借機一齊慶祝,又多番催眠阿 Sa,話二人同屬天蠍座,夾到痺,又在微博大讚天蠍女性魅力沒法擋,令對方深信這是緣分。
自吹自擂
未公開戀情前, William已在微博賣口乖,自誇是個信守山盟海誓的好男人,又話要同愛人白頭到老, 9月阿 Sa出埠期間,他又暗示自己寂寞,掛阿 Sa掛到一夜白頭。
玩魔術


悉心安排轉用阿 Sa髮型師及化妝師,爭取更多共同話題,做嘢等埋位,又經常玩啤牌魔術氹阿 Sa,搞到對方神魂顛倒。
反陳偉霆大聯盟
公開戀情後,網友不滿陳偉霆靠黐上位,更組成「反陳偉霆大聯盟」,批評他跳舞差,扮有型……

arrow
arrow
    全站熱搜

    stacylife 發表在 痞客邦 留言(0) 人氣()