中醫棍騙 40年假治不育淫人妻

【本報訊】性交可醫不育？推拿可捽散乳癌？ 65歲無牌中醫吳玉華涉嫌在行醫 40年來，以如此無稽藉口騙盡無數女病人，更以公屋作陽台，專呃已婚人妻。《蘋果》女記者早前兩次放蛇直擊淫醫呃人過程，他被踢爆後竟拿出家傳假陽具，辯稱一直只用道具，從沒與病人「打真軍」。記者：邱錦綉、陳達浩、黃偉民


已婚的 Amy（化名）早前頸背痛，在朋友介紹下到大窩口邨找吳玉華治療，想不到治療四次後，吳竟建議以他稱為「特別通」的性交方法為她醫治月經周期不適，「一次一次咁通，癌症都醫到！好似同你老公做功課咁」。她大感疑惑，直問：「要不要戴套呢？」吳回答稱，他百毒不侵，故不怕染性病，不用戴套。Amy說，吳千叮萬囑她不要告訴任何人，連丈夫也不可。她返家思前想後，認為這樣做對丈夫不忠，最後沒上當，更不敢再去求診。本報女記者得悉後，早前扮腰痛前往放蛇，甫進大廈，看更已醒目開門，搶着問：「上吳師傅度呀？」

「通一通甚麼病也治好」 放大圖片
吳玉華被踢爆淫行後聲稱沒與女病人性交，只是用假陽具插入女病人陰道通經脈。

吳玉華被踢爆淫行後聲稱沒與女病人性交，只是用假陽具插入女病人陰道通經脈。

自稱中醫師的吳玉華連基本的望聞問切也沒做，沒替記者把脈便急急叫記者趴上門旁一張簡陋的「按摩床」接受推拿治療。他劈頭便說：「你做過按摩推拿未？」記者答做過，他便聲稱擔心按摩太大力會擦傷，要求記者解去胸圍扣，但遭記者拒絕。他其後不斷嘗試觸碰記者敏感位置，但記者早有防範，一再以手阻擋，他重覆說：「唔使驚，我唔係摸你！」按摩時大門一直打開，只拉上鐵閘，到記者離開前，吳說：「好多女性周期有問題，乳房有硬塊，下次可以幫你檢查埋，乳頭下面個位最緊要，我一摸就知。」他又說，只要給他揉胸，癌組織就會被推散。記者日前再找吳診症，假稱驗出子宮內有多顆水瘤，吳即說：「呢啲唔使把脈，我一望一摸就知！」他還指記者全身經絡不通，勸記者不要做手術，稱只要給他「通一通」，甚麼病也能治好：「你啲瘤喺子宮頸，用手咁樣入去，拉番子宮頸出嚟，咩事都冇！」他邊說邊舉起手指示範，還說自己每隔兩天便剪指甲，絕不會割損病人陰道。

本月已有六人預約性交 放大圖片
月曆記下病人預約，畫有實芯圓點（紅圈示）的日子代表性交治療，交叉（箭嘴示）則代表揉胸治療。

月曆記下病人預約，畫有實芯圓點（紅圈示）的日子代表性交治療，交叉（箭嘴示）則代表揉胸治療。

記者假稱有些水瘤接近卵巢，吳得意地說：「咁就麻煩喇，手指唔夠長，要用『特別通』。」他解釋，所謂「特別通」是指「與丈夫做功課」，他得知記者已婚後直言：「即係行房囉！」記者驚問：「要唔要戴套？或者搽啲乜？」他說：「呢啲到時至算啦！唔使搽嘢。」記者問會否在裏面射精，他說：「梗係要喺裏面射先至醫到啦！」他越說越興奮：「仲有種方法，咩瘤都醫好，只要你即刻有個小朋友就得！」記者大惑不解：「連癌症都得？」他瞪眼說：「噓，一生細路，咩都推晒出嚟！」吳解釋，病人月經前後可接受他的「特別通」治療，然後再按他算好的日子跟丈夫行房，必可懷孕，「有個 48歲不育女病人就係咁有咗」。這麼說，分分鐘有病人誕下其「孽種」也不自知。吳多次強調「特別通」做法敏感，必須病人自願才行，否則會被指非禮。吳替病人推拿每次收 200元，「特別通」則每次收 500元。吳又向記者展示牆上月曆記錄的病人預約，稱黑色圓點代表「下面嘅」（即「特別通」）、交叉則代表「上面嘅」（揉胸治療）。單是本月，月曆上便有六個黑點及兩個交叉，他還指六個黑點是六名不同病人的預約。由於吳聲言行醫 40年來一直採用此套家傳療法，遭他淫辱的女病人或許不計其數。

淫醫淫語（節錄）

吳玉華=吳　記者=記─日前放蛇─吳：我要你哋自己自願至得㗎，如果唔係做唔到㗎！我一摸落去，人哋以為我非禮，我咪死？最慘我家變咗女人㖭！記：咩意思呀？吳：我都唔需要嘅，我一同你哋做咗之後，我都唔鍾意，直頭唔做，好似女人咁囉！係真㗎，我成日睇成日做，個人都唔同晒。記：使唔使搽啲咩入去呢？吳：唔使搽㗎，除非你冇分泌啫，你冇分泌我會同你搞到有……記：做功課即係行房？吳：係喇……我即時同你做㗎嘛，我唔會喺裏面停留得耐㗎嘛。記：咁使唔使戴套？吳：到時至算啦……我係想同你睇個症，唔係同你搞你個身體、搞你個人，你記住我同你講呢句說話。記：我想問會唔會喺裏面射埋（精）？吳：係㗎。記：即係咁樣就會醫到㗎？吳：嘻，大有人在呀！

─昨日對質─記︰係咪性交治療？吳（拿着假陽具）︰好似（陽具），但我邊有咁長！我哋呢啲幾十歲唔得㗎喇。呢啲嘢（假陽具）最可靠，起碼我唔使自己掂先，我唔知佢乾唔乾淨……我差唔多叫做軟。記︰啲市民話你真係射埋喎？呢支嘢射唔到喎。吳（拿着潤滑劑）：呢啲嘢（同精液）一樣，我有搽嘢㗎喎。我唔畀佢哋睇，女士以為真係用嗰度（陽具）做。

天花龍鳳掏出假陽具狡辯

記者昨日再到大窩口邨找吳玉華回應性交療法的指控，發現用作診症的單位大門上鎖，女街坊見記者摸門釘便說︰「你係咪嚟睇病㗎，佢家喺第二個單位，好多人搵佢睇病㗎，你唔使驚喎。」她帶記者到同層另一單位，記者隔着鐵閘看見吳正在屋內與妻子準備晚餐。

家傳秘技　妻子不知

當記者問吳是否以性交替病人治病時，他顯得驚惶失措︰「梗係冇啦，呢樣嘢個個做法都唔同！冇可能！」他邊說邊穿鞋表示要外出，其妻激動地說：「佢（受害病人）當時唔講，如果佢當時唔講，家嚟講呢啲嘢！」她嚷着要報警，吳即時阻止，並拉記者到「診療室」詳談。進入單位後，吳關上門並叫九旬母親入房，接着在客廳角落拿出一支 12吋長的木製假陽具說：「係咪性交先？（指着假陽具）係好似，但我邊有咁長！」他說每次用假陽具替病人治病時，病人都會緊張得合上眼睛，才誤以為進入體內的是他的陽具。「我哋呢啲幾十歲唔得㗎啦，一嚟冇咁長，我哋練功嗰啲會縮……（指着假陽具）呢啲嘢最可靠，起碼我唔使自己掂先，我唔知佢乾唔乾淨。」他又說，假陽具是父親留給他的，治療技術也是由父親所授，他亦已將之傳授給長子，由於傳男不授女，太太也不知他有此獨門秘技。記者問他為何假陽具會射精時，他便打開櫃門拿出一支「 KY」潤滑劑，辯稱精由此而來：「我唔畀佢哋睇，女士以為真係用嗰度做（陽具），搽咗呢啲滑溜溜，有時有個套（避孕套），但我用晒未買。」吳表示，他行醫 40年，幫過無數女病人治療子宮和乳房各種雜症，當中不少是大學生。他又稱，由於經常要接觸女性陰部，他已極度麻木，沒可能有生理反應。《蘋果》記者

吳玉華

罪大惡極可囚終身兼收屋

吳玉華掛於診療室的中醫師證書，由九龍中醫師公會有限公司於 40年前發出，當時他只有 24歲。

無牌行醫　罪加一等

該會會長蔡尚斌表示，吳玉華已非該會會員，而他亦不認識吳。對於吳疑以性交替女病人治療，蔡尚斌不太願意回應，只表示中醫絕不會幹這種行為，「以行醫立場嚟講係犯規，中醫冇呢種行為（性交）」。律師黃國桐則指出，若以治病為由欺騙病人性交，可被控以虛假藉口誘使他人發生性行為罪，最高刑罰為終身監禁；即使只以假陽具進入女病人陰道，亦可被控非禮罪，一般可被判監 4至 5年；若犯案者非註冊醫師，則屬無牌行醫，罪行更為嚴重。另外，吳玉華亦涉嫌在公屋單位行醫，本報已將個案轉介房屋署，發言人表示會盡快跟進，調查後若證實有人將單位用作商業用途，署方會控告該人違反租約條款，嚴重者會被終止租約。《蘋果》記者

中醫 棍騙 40年 假治 不育 淫 人妻 天花 龍鳳 掏出 假陽具 狡辯

arrow
arrow
    文章標籤
    女病人 性交 病人 不育 推拿 行房 好似 40 丈夫 治病
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄