眾所周知郭富城是娛樂圈中數一數二的車癡，林寶、拉利多不勝數。能成為城城的最新心頭好，霸佔屋企停車場位的，竟是車價相宜的 Renault Megane RS。他迷戀賽車，對 Renault早種情意結當然是主因，但現今新一代好的手波車難求，這就是他珍而重之的最大原因。記者：許維雅攝影：林栢鈞
其他副刊影片 與 Renault的 13年情
車迷恨到口水流的 Renault Megane RS終於到港，第一位香港車主就是辣車狂迷郭富城。新車是中國 Renault送給城城的生日禮物，其實城城之前於上海比賽時已試過呢部 250匹辣揭背，早已認定此車是最新收藏目標。迷戀 Renault另一主因，是他跟中國雷諾合作無間，好似中國雷諾會支持城城搞慈善賽籌款，而城城於 09年買了部 Renault Clio，兩年來參加 Clio Cup中國賽又戰無不勝。要數這份情，應要回到 13年前，「我 97年開始玩賽車，當時喺 FRD學校學賽車，揸第一架方程式就是 Renault！」
放大圖片 
■有 Megane車蛋糕同城城慶生日。（左起） Renault大中華區總裁 Robert、 FRD總裁 Kenneth及 Renault HK總經理 Ross。
放大圖片 
■ 09年開始參加 Clio Cup中國系列賽，今年兩度奪冠保持好成績。
放大圖片 
我試車那日落大雨，跑道已盡濕，當我揸車上手，發現安全性同穩定性原來是這麼高，那一刻我已認定它是一架好車！
嶄新科技×傳統波箱 放大圖片 
■車櫳內的黃色點綴設計襯晒車身。
有機會同城城面對面談車經，最深刻印象是「佢真係好鍾意車！」記者會上滔滔不絕大談賽車生涯、慈善賽及對 Megane RS的感覺，雀躍表現如小孩。對於汽車珍藏的選擇，他跟我談歷史，「每個品牌必定有本身嘅歷史同發展，我收藏嘅車款都希望佢嘅品牌發展係同賽車有密切關係。我咁鍾意 Renault呢個品牌，另一原因當然係每次揸佢出賽都有好成績，即使我屋企唔夠車位，得 6個，但我已經駛走咗一架，準備放呢部 Megane入去好好收藏。」以上內容重點是他覺得 6個車位太少，果然是天王，是名副其實的車癡。他覺得 Megane是罕有珍藏，其實還有另一原因，「佢有落場版賽車嘅新科技性能、引擎同避震，不過用傳統手動波箱操控。我鍾意手波係因為要駕馭一架車唔係靠電腦，而係靠自己配合時間轉波。家所有車都係半自動，好難搵到架咁好性能嘅棍波車逼我不停練棍波，唔使令自己揸車越嚟越懶！」
放大圖片 
■紅色 brembo迫力卡鉗亦是辣車不能缺少的配備。
放大圖片 
■正方形組合尾燈跟 Audi TT尾燈有幾分相似。
放大圖片 
■ Recaro賽車桶椅應該啱晒城城胃口。
放大圖片 
■門檻有 Renault Sport金屬片點綴。
放大圖片 
■黃色車身更能突出頭燈組合的生動線條。
放大圖片 
Megane RS250 CUP規格
引擎： 1,998cc直四 DOHC配 Turbo馬力： 250hp/5,500rpm扭力： 340Nm/3,000rpm傳動： 6前速手波極速： 250km/h售價：$349,000查詢： 2927 3388（ Renault HK） 
■揀選黃色車身，除了是新一代 Megane的標誌顏色外，亦代表城城叫阿旺的意思。
留言列表
