死開啦！（設計想法）
朱曉輝話攬就攬，劉心悠企都企唔穩，要遞一遞起雙手保持平衡。
上個禮拜四（十月十四日），一班圈中愛狗之人出席《救狗之家》慈善活動，大會仲安排咗一批等待好心人領養嘅狗狗，同來賓一齊影相。
嘉賓之一嘅劉心悠，見到現場咁多得意狗狗任摸任抱，於是攬住八哥「 Cookie」唔願放手，就算俾狗狗㩒住個胸，名副其實「搓 her breast」，都無任歡迎！
俾狗搏懵冇所謂，不過唔包括男人老狗。話說影大合照期間，曾經同 Edison老豆傳過斷背緋聞嘅北京 model朱曉輝，突然一手攬劉心悠埋身邊影相，話晒朱曉輝身兼全中國十佳健身先生，手瓜粗過劉心悠小腿，佢一郁手，幾乎將對方攬到企唔穩，更差嘅係佢以「基男」做擋箭牌，影大合照時係咁將隻壯臂挨貼劉心悠心口，仲明知都唔避。
「狼」到出面，劉心悠雖然冇即場篤爆，但每次俾朱曉輝扮 friend搭膊頭，佢都當堂笑唔出，一睇就知咩事啦！
劉心悠顧住望狗狗，朱曉輝右手手踭開始有所動作，眼神更望實劉心悠心口；同一個動作，主角換上八哥「 Cookie」，劉心悠不知笑得幾燦爛。
再次扮 friend搭膊頭，平日笑唔停嘅劉心悠即刻冇晒表情。
現場嘉賓個個都係狗痴，不過點都唔及 Eunis陳嘉容，痴到伸長條脷舔隻狗都冇問題！
全站熱搜
留言列表
