23歲唐貝詩（Lydia）早前喊住宣布跟拍拖三年的毛玉萍兒子Eric Yu分手，分手唔夠一個月，有指她已極速搭上新歡。其實後生女甩拖換畫好平常，但其新歡竟然是上圍35D、有「爆E超蓮」之稱的模鍾采曦（Iris）。上月27日晚上，本刊發現唐貝詩與Iris十指緊扣到中環蘭桂坊一間有不少女同志幫襯的酒吧談心，情到濃時，二人更不避嫌連番啜爆。呢鋪唐貝詩疑似轉性，唐母寇鴻萍和契媽鄭裕玲都冇眼睇，嘟嘟更開腔表示：「佢媽咪都管唔到，我可以點理呀？」


回復單身的唐貝詩大把觀音兵埋身，早前遭踢爆拖仔夜蒲，她隨即斷言暫時封盤，抗拒投入新戀情，「媽咪覺得我要take a rest ，唔會俾我咁快再拍拖。」阿媽落閘唔俾男仔埋身，誰知唐貝詩早已秘密由直路轉入彎路。

愈夜愈火辣
上月27日晚上九時，唐貝詩孖實模「爆E超蓮」，相約母親寇鴻萍，到銅鑼灣時代廣場出席電影《喋血新世紀》首映，但唐貝詩睇到一半，即撇甩媽咪，與女友乘坐自己的保母車，直駛至位於中環的ILAN酒吧。兩人選擇店內一張較僻靜的沙發坐下，由最初摸酒杯傾密偈，到後來兩女愈攬愈埋。兩杯到肚的唐貝詩，更索性整個頭依偎在密友的肩膊，狀甚陶醉。 其間，唐貝詩突然向上望，嘴唇竟然貼近Iris向她索吻，兩女四唇緊貼達數秒之久。二人熱情舉動引得附近一對外籍男士狂。見有人望實，唐貝詩即把身體移開，與女友咬耳仔後，兩女埋單極速跳上的士離開。據二人圈中好友透露：「Lydia同Iris一向幾close，今次Lydia甩拖都好傷，佢仲同我哋講男人真係靠唔住，女仔反而易相處。冇幾耐就見佢同Iris行得好埋。」

阿媽無奈接受
對於女兒啜爆同性密友，身為母親的寇鴻萍上周二（11日）出席活動見到女兒親密照時，即眉頭一皺，深呼吸兩下後才說：「唔係呀，又會咁close ！佢哋係同學仔嚟。」之後她緊張地花了數秒研究照片，記者問她會否擔心囡囡轉性向?她嘆氣說：「為人父母 ，都係想仔女開心，如果佢真係要咁發展，惟有支持啦。」隨即揚手示意同場的唐貝詩上前解釋，不過聞到殺氣的她，對着阿媽則耍手擰頭，堅稱與Iris只是朋友，啜嘴亦只是飲大兩杯所致。親生母親無奈接受女兒疑似斷背，貴為契媽的鄭裕玲亦望相輕嘆：「Lydia好少同我傾感情問題，你有冇問過佢媽咪？（佢媽咪話惟有支持喎！）咁咪係囉，雖然我係佢契媽，但唔算熟，連佢媽咪都管唔到，我可以點理呀？我都管唔到囉！」養兒一百歲，長憂九十九，阿女鑊鑊新鮮，做阿媽除咗支持，仲可以點？

名人二代•多轉性
除了唐貝詩外，不少名人二代亦曾試過轉性，最經典莫過於與密友Jessie互嗌老公老婆的四太大女何超盈（左圖），二人最終遭四太棒打鴛鴦。至於趙世曾女兒趙式芝，亦經常與密友楊如芯在facebook內晒恩愛。 ####


忘情互啜兩女在酒吧內咬完耳仔，唐貝詩（右）繼而再把嘴唇向上移，與Iris攬實互啜，難怪契媽嘟嘟同阿媽寇鴻萍都睇到眼寃。


十指緊扣上月27日晚，唐貝詩（右）撇甩阿媽寇鴻萍，與Iris直踩中環蘭桂坊，把酒談心，其間二人在街上十指緊扣拖到實，毫不避嫌。


今年暑假有份推出寫真的Iris，跟唐貝詩同樣由英國回流，感情深厚。


寇鴻萍O嘴上周二，寇鴻萍看見女兒親密照後，即時O嘴狂撥頭髮，其後才硬撐自己會接受女兒的選擇，母愛真偉大。惟有接受！（真實對白）


對於契女感情事，嘟嘟即劃清界線，表示與契女唔熟，冇資格管她，實行明哲保身。我管唔到！（真實對白）


當面對質寇鴻萍做完訪問後，緊張地跟身旁老公梁廷鏘咬耳仔，梁亦第一時間八俾細女（左一）知，自知穿煲的唐貝詩即掩口向後縮。


去年因「盆景貓」一事，唐貝詩遭全城圍插，如今又疑似轉性，睇怕佢有排同阿媽解畫。


未跟Eric Yu分手前，唐貝詩經常傍實男友阿媽毛玉萍見人，可惜此情不再。

arrow
arrow
    文章標籤
    iris lydia 密友 二人 惟有 酒吧 避嫌 疑似 接受 嘟嘟
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄