旅行旅遊丹麥哥本哈根 5層豪宅變飯堂 @ 明星靚相大分享☆

對味覺我要求不高，但求入得口就可。來到哥本哈根，主食是肉丸豬肝黑麥包，我還能祈求甚麼，難道要帶定電飯煲解決三餐？其他人可能要，我唔使，多得丹麥人對餐廳包裝要求高，令人靚裝飲水飽，毋須華麗米芝蓮，更愛平民聚腳地，旅人要求其實在於此。記者、攝影︰吳美美鳴謝︰卡塔爾航空

Art+Book+Cafe三合一放大圖片
1.樓底幾咁高，話晒前身是大戶人家。

1.樓底幾咁高，話晒前身是大戶人家。

哥本哈根的天氣，驟晴驟雨，例牌失驚無神落場雨幫你洗滌心靈，也多得這場失魂雨，我才以避雨心態走入一間三合一……點形容一間 cafe+ bookshop+gallery的「店」呢？先響名字，它叫 Paludan Bogcafe，整座建築物 1895年已存在，連地庫樓高五層，地庫兩層是書店，是當地人尋找舊書的門徑之一，但奇怪書室周圍都不時放有恐怖 feel或畸形擺設，還要在地庫之內，難免有啲得人驚，或者正是用來嚇吓偷書賊？地庫之上兩層都是 cafe，座位其實很多，但依然未夠，小記到達時約下午三時，店內還是坐滿人，睇怕要開埋露天先夠坐。 Cafe對上有約 200呎的地方被 Black Pop Gallery佔有，展覽着現代藝術品，普通人如我是注定看不明白。

放大圖片
2.地庫兩層都是書店，塞滿書。但借問聲點解會有呢種另類擺設，揭揭吓書一望，嚇一驚。

2.地庫兩層都是書店，塞滿書。但借問聲點解會有呢種另類擺設，揭揭吓書一望，嚇一驚。

放大圖片
3.雞肉煙肉三文治配咖喱汁$107

3.雞肉煙肉三文治配咖喱汁$107

放大圖片
4.Cafe對上又是另一片天，屬於 Black Pop Gallery範圍。

4.Cafe對上又是另一片天，屬於 Black Pop Gallery範圍。

放大圖片
5.我知點解咁多位都唔夠坐，你睇呢位女士就明啦！

5.我知點解咁多位都唔夠坐，你睇呢位女士就明啦！

放大圖片
6.傳統丹麥式牛肉漢堡$129

6.傳統丹麥式牛肉漢堡$129

放大圖片
7.雜莓汁$50

7.雜莓汁$50

學生圖書館開飯

這裏變成三合一店是近 15年的事，一直很受學生歡迎，無他的，除了附近是大學區夠靜夠就腳外，格局氛圍才是決勝分，書本多到似學校圖書館，連枱燈都是昏昏黃黃，直情似歐式學校圖書館，周圍亦放滿了書本，你可以隨時拎上手讀過先決定買與否，況且大部份標價 10克朗，才 14.5港元。建築過往是大戶人家住宅，單看金吊燈紅絨布窗簾油畫大地毯是騙不了人，做 cafe似乎又豪咗啲？但要做學生生意，餐飲絕不能 mark豪宅價，一百蚊以內就剛好（請記住，呢度是歐洲地帶，價不過百已經算畀面），份量亦足夠飽肚成日，如那份雞肉三文治及漢堡，全是港人眼裏的 jumbo size，肉身都是即叫即煎，麪包烘至半脆香口，若要推介，還是後者為佳，伴碟的酸菜都是丹麥人每日必吃，可了解當地人口味。

放大圖片
■這枱公公婆婆來自荷蘭，聽人介紹先識搵上門。

■這枱公公婆婆來自荷蘭，聽人介紹先識搵上門。

放大圖片

Paludan Bogcafe地址︰ Fiolstraede 10, 1171 Copenhagen, Denmark

洗衣店食污糟餐放大圖片
■星期六下午 1時，食客多到不得了。

■星期六下午 1時，食客多到不得了。

另一鄰近大學區的 The Laundromat Cafe，亦屬三合一小店，同是 cafe+書店，但任你諗爆頭都估唔到最後一部份是……洗衣店，前身只是單純的自助洗衣店，但老闆見客人等洗衫悶到呆，不如就加入 cafe連二手書，咁成件事升 grade，加上全店以紅噹噹裝修，學生潮人自然埋站幫襯。現時入內洗衫的顧客不多，鬼咩，人哋開開吓餐，你就拎臭衫臭底褲入嚟洗，人家不嫌你都尷尬啦，所以內裏洗衣機亦不多，只有四部。食物方面，質素中等，都是吃年輕人最愛的 brunch及漢堡，但 brunch名字好配此店主題，一款叫 Clean Brunch，一款 Dirty Brunch，前者是素食，後者當然是食肉獸專用，食物擺放很隨意，但份量卻十足，可以當香港女士的二人份量。

放大圖片
■洗衣在店的角落，唔等得就出去食個包先。

■洗衣在店的角落，唔等得就出去食個包先。

放大圖片
■坐室外露天位的 Katrin（左）及 Nothy經常來嘆 lunch，最愛這裏的薯條。

■坐室外露天位的 Katrin（左）及 Nothy經常來嘆 lunch，最愛這裏的薯條。

放大圖片
■牛肉漢堡配薯條$218

■牛肉漢堡配薯條$218

放大圖片
■ Dirty Brunch$185.6

■ Dirty Brunch$185.6

放大圖片
■在收銀機旁有成四千本二手書任睇任買。

■在收銀機旁有成四千本二手書任睇任買。

放大圖片
■木色配鮮色橫間燈，貫徹丹麥簡單又型的風格。

■木色配鮮色橫間燈，貫徹丹麥簡單又型的風格。

放大圖片

Laundromat Cafe地址： Elmegade 15, Copenhagen, Denmark

超讚 Lounge 放大圖片
■ Lounge有四五個位不斷提供餐飲。

■ Lounge有四五個位不斷提供餐飲。

我在多哈轉機的經歷︰都話中東人有錢，整乜都可以大過人靚過人，今次小記搭乘卡塔爾航空去哥本哈根，要在多哈機場等轉機，有幸到 Premium Lounge睇睇有幾好。到過不同國家的 lounge，這個可說是五星級，範圍有成幾千呎，大把梳化任你坐，要瞓時問服務員借枕頭畀你就得。食方面毋須擔心，早午晚不斷供應餐飲小食，我最鍾意食番茄乾，醃得好開胃。若果你要等六個鐘，建議去做番個 spa，最低消費 QAR400（約 853港元），手勢可媲美外面 spa，環境又夠靜。男士亦有 Playstation玩，基本上時間喺呢度好快過。最抵讚係治安，我放個袋喺位，然後走去 Duty Free shopping，個幾鐘返嚟依舊原封不動，超放心!唯一要彈，係 WiFi信號有啲唔穩定。

放大圖片
■兒童房夠大，呢度只係其中一角。