香港地實在好多蚊形單位，有位粉絲就問：「我想將廚房改成開放式，但有人話會不利婚姻喎！」究竟係咪真呢？
放大圖片
開放式廚房在視覺上有擴闊空間作用，亦令客廳更光猛。
「開放式廚房不利婚姻！」我諗如果呢個所謂風水理論成立的話，香港地很多首次置業的新婚夫婦，睇怕都會嗌交離婚收場了。
開放式添空間
以我個人咁多年來幫人睇住宅風水的經驗，很多首次置業的家庭，特別係年輕人，如果夠錢有能力裝修的話，很多都想擁有一個開放式廚房。像我後生置第三間屋的時候，手頭鬆動，買完樓仲有能力拿一筆錢出來為單位重新裝修，嗰時我都是要求設計成開放式廚房。
之不過，自從住過那間屋之後，對於開放式廚房就怕怕！
開放式唔實用
嗱，大家唔使驚！這絕對與風水無關。因為嗰時間屋鄰近街市，愛下廚的我便經常親自買餸煮飯，每星期都密密煮，幾咁健康。但係每次煎魚的時候，都要「雞飛狗走」，迅速把睡房門、衣帽間的門統統關上，要不然煎魚的油煙味走入了衣帽間，我和女友全部靚衫都會遭殃，咁就大件事。這間屋，我由 1992年住到 1997年，這多年間我和女友的感情繼續 sweet，完全沒有出現任何大問題，而自己公司的業務仲蒸蒸日上，開放式廚房只係唔夠「實用」，有啲扣分。
爐頭勿對門或牀
其實喺中國古代，廚房是設於主宅以外，並冇開放式廚房這回事。所以「開放式廚房不利婚姻」，只是現代的風水師杜撰出來的，佢哋根本未做過詳細統計便亂說一通，所以各位想有一個開放式廚的新業主，以後可以不用考慮風水問題，唯一要注意的是開放式廚房因為沒有門，煮食爐頭勿對任何門或睡牀就得嘞，因為對住嘅話會影響身體健康 o架！
廚房位 check身體：
開唔開放式廚房其實都冇所謂，對於現今的「無飯夫婦」，一個開放式廚房可能更適合㖭。其實屋中的廚房位置可預測一家人的潛伏疾病！今次就教大家用廚房位 check身體，先以指南針面對家中大門，再看看廚房的所在位置，就可知道。
正北：腎、膀胱、泌尿系統
東北/西南：腹部、腸胃、消化系統
正東/東南：肝、膽、手腳
正南：心、眼、皮膚、血液循環
正西/西北：肺、呼吸系統、骨骼關節
留言列表
