政府打算活化觀塘這個工廠區。計我話，觀塘這區一早就已經由葛爺（葛民輝）領軍搞得生龍活虎，單是一條興業街，有阿葛的 4A、老友張震嶽的 WORK n PLAY、同事兼老死 Alan的女裝潮店 The Fat Community，行過對面馬路又有亦師亦友亦拍檔馬田一鳴的 RMC，潮到嘭嘭聲。明明生勾勾好地地，活咩化?!時裝工業，就在此地，政府都係慳啲啦！記者：葉雪芯攝影：林栢鈞
葛爺 4A愛黑遊樂場
腳踏觀塘工業區摷潮舖，有邊個唔識去探探葛民輝的 4A秘密基地？與其說它是一間潮店，不如說這裏是葛爺的遊樂場。自家品牌 4A Like Black貨不多，沒有一千幾百件等住大家入來大手掃貨，甚至店內每個擺設和貨品，都是葛爺自己的玩具，店員輝仔說：「這裏賣嘅貨其實原本係阿葛自己着用，根本唔係要賺錢做生意。就好似佢喜歡黑色，場內見到的就全部是黑色，只係後來有相熟朋友要求白色先會做幾件。其他 accessories都係阿葛平日會用的物品，同埋佢鍾意玩嘅玩具。」至於為何睇中觀塘區駐紮？店長兼阿葛好朋友 Stanley直截了當說：「租平，地方又大囉！而且就腳嘛，阿葛返完電台再來舖頭，揸車過條東隧又去到港島同其他合作單位開會，一條龍！」難怪葛爺多年唔走，仲帶埋其他老友一齊來觀塘發達！
放大圖片 
1.租觀塘工廈本來為咗阿葛自己的工作室，但地方太大後來才劃出一個地方做店面。
放大圖片 
2.阿葛賣嘢有規矩，客人不能單買 cap，堅持要 tee+cap一個 package咁賣，事關太多人炒佢啲 cap。
放大圖片 
3.阿葛的 Like Black牛，搵來老友記 RMC馬田一鳴幫手製造。$2,500
放大圖片 
4.早排阿葛出手撐 MR.，新碟《 Like Black》隨碟附送的黑色 pick頸鏈，葛爺秘密基地都有售。$90
放大圖片 
5.話阿葛是大細路，成間舖都係佢嘅大玩具真係無錯，由細到大鍾意玩扭蛋，就成副心機去製造質素達 premium級的扭蛋 figure公仔，全系列 13種顏色，$20扭一次，抵到爆！
朋友 1號：張震嶽樓上開 WnP
張震嶽在台灣一向代理潮牌 Freshjive，兩年多前就選擇在觀塘開自己的首間潮店 WORK n PLAY（ WnP）。阿嶽同葛爺老友鬼鬼，舖頭開正樓上，隔籬鄰舍一家親，而且店內不少貨品都與 4A Like Black拉上關係，交由葛爺負責。最大分別是 colourful得多，店員 Vivian說：「阿嶽鍾意橙色，所以有不少 items都會推出橙色。」
放大圖片 
1.店員 Vivian推介這款 Funnifarm女裝 worker shirt，由男版變女版。$590
放大圖片 
2. WORK n PLAY的牛仔褲同樣搵來 RMC幫手製作。
放大圖片 
3. Fingercroxx× WnP毛毛徽章 Backpack$659
放大圖片 
4.阿嶽自家店其中一款 cap就用番自己名做 logo。
b. WORK n PLAY（ 2793 2512）觀塘興業街 19號明生工業大廈 11樓營業時間： 1pm-9pm（星期日休息）
朋友 2號：電台友攻怪雞女牌
觀塘潮店在一片男生天地之內，孖住 WnP旁邊竟然出現了一間女裝，原來是葛爺的電台同事兼友好 Alan於去年新開的 The Fat Community。專玩偏鋒浮誇作，引入品牌有比利時 Schone Leute、法國無定向設計 Andrea Crews、新晉匈牙利牌 Je Suis Belle、 Sammi都撐的本地薑 Plotz等。牌子夠特別， cutting款式又夠癲，引死唔少時裝精摸上門。
放大圖片 
1.店員 Judy說近期熱賣有芬蘭品牌 Daniel Palillo，怪雞蝦人着，浮誇人最愛！$3,850
放大圖片 
2.本地牌 Prospekt喜用滴蠟狀設計，呢對 Converse連 Sammi都有入手。$1,150
放大圖片 
3. Prospekt專玩手工貨，例如閃呔和水鑽絲襪，都是人手製造。
放大圖片 
4.眾多選擇中推介法牌 Andrea Crews，一件衫變三件。$4,500
c. The Fat Community（ 3487 3879）觀塘興業街 19號明生工業大廈 11樓營業時間： 2pm-9pm（星期日休息）
朋友 3號： RMC牛專吸 NBA紅星
禾稈冚珍珠、卧虎藏龍，正好形容 RMC藏身觀塘區。本地牛王 RMC威水史， NBA球星一車車運走、 LeBron James全家來港專門抽一天落舖掃八萬蚊貨、 Jay-Z、 Kanye West撐場愛戴……以前基地在九龍灣，半年前搬來觀塘工廈，上星期更在 office劃出一角作店面，主腦馬田一鳴（ Martin）解釋不多不少是因為阿葛：「我同佢有咁多 project，近啲傾偈都方便啲，夠熱鬧嘛！」日本製造，香港設計，再紅到歐美，企穩七、八年牛界龍頭，數得出撈得掂的本地牌大概只得 RMC。 Martin謙虛地笑言，「我只係做自己嘢！」多年來牛仔褲質量和設計都維持頂級水平， RMC今季仍落足本炮製心血兼新寵，加推袋款和馬毛製銀包和配飾，雖然是小試牛刀，但用料堅持用到最靚落足本。正當小記懷疑有無錢賺的時候， Martin一句解釋了潮人心聲：「做創作做自家品牌是自閉亦是浪漫，這是我追求的；一分錢一分貨，設計和用料一定要對客人有交代，這是我的宗旨。」
放大圖片 
1.馬田一鳴在日本修讀日本歷史和文學，刺繡設計有不少日本畫的神髓，每幅刺繡都有意境，但工夫超繁複。
放大圖片 
2.打開門，即見到馬田淋油大名。
放大圖片 
3.今季重玩油漆褲袋圖案，較簡約。
放大圖片 
4. Martin深知重磅的 unwash牛仔褲未必是女士們杯茶，馬毛製銀包和配飾是用來冧女客的。$450-$500
d. RMC（ 3563 7028）觀塘興業街 4號長江電子工業大廈 9樓
街坊 Guide你
觀塘波鞋街尋寶 放大圖片 
■ Royal Sporting House outlet、 PUMA outlet
旺角有條波鞋街，但原來觀塘同樣有條波鞋街！講的是在阿葛地盤轉彎行前幾個舖位的駱駝漆大廈地下連續幾間波鞋 outlet！行入駱駝漆大廈的入口，有一條小巷，裏面有 Nike、 adidas、 PUMA、 Royal Sporting House四舖相連的 outlet。四牌門市的貨換款極速，聽講間中在 outlet內分分鐘可以用 outlet價搵到熱炒款式甚至是水貨店斷色的鞋款，大家要畀心機搵漏網之魚啊！
放大圖片 
■ Nike Factory outlet
放大圖片 
■ adidas Factory outlet
e.地址：觀塘駱駝漆大廈 2期地下
放大圖片 
放大圖片 
放大圖片 
放大圖片 
放大圖片 
放大圖片 
放大圖片 
放大圖片 
放大圖片 
放大圖片 
■店員輝仔（右）說， cap和 sweater是長青搶手貨，一年四季都咁受歡迎。紅色 cap$990、 4A Like Black Backpack$2
留言列表
