做記者的要支筆厲害、做消防員的要體能好、做社工的要夠耐性，但卻參透不到作為一個侍應需要具備哪種才能？當位於尖東的「美食里」舉行「托盤競跑大賽」，才忽然驚醒夢中人，原來侍應們其中一項潛在技能，卻沒有被發揚光大的，正正是托盤平衡力。記者︰吳美美攝影︰楊錦文Model︰ Sarah@Starzpeople
其他副刊影片 尖東海旁扮嘢開跑
可能是小記較平民，幫襯開的食肆侍應生鮮有用托盤送出美食，反而多見一人托幾個碟頭飯，或更厲害的是手掌至上手臂托着熱到「吱吱聲」的鐵板，所以若然舉辦一個侍應生托住多碟菜式兼跑得快的比賽，可觀性可能更高。「托盤」在香港民間似乎已列入 old school之流， anyway，言歸正傳。今次主辦商就在尖沙嘴中心及帝國中心近尖東海旁位置，舉辦「托盤競跑大賽」，不說不知，今年已是第二年舉行，上次只是邀請了有豐富經驗的侍應生參加，今回就新增一個競賽項目，讓兼職形式的大學生參與。佢哋要扮鬼扮馬，例如扮蛋糕、扮辣椒、扮啤酒等，同樣地跑 70米，盤上要運送的是一份熱狗或意粉、一杯汽水及一份餐具。其實全球各地都十分流行此類托盤競跑比賽，托盤上有酒有杯有食物，連鄰近的澳門上年都有以此競跑作為慶祝「世界旅遊日」。
放大圖片 
■ Sarah都試跑一份，最後就無眼睇啦！
放大圖片 
■你睇，跑到終點成杯汽水倒瀉晒，可見落力程度絕不欺場。
放大圖片 
■少有的女參賽者，雖然輸咗但勇氣可嘉。
放大圖片 
■佢仲勁，盤上有杯橙汁都可以跑到飛起！
放大圖片 
■完全唔受托盤影響，依然跑得咁快，應該是平日訓練有素！
放大圖片 
■呢隻辣椒由初賽至決賽都由頭帶到尾。
三甲全是尼泊爾侍應
平時到餐廳搵食，男女侍應的數量都算平均，但今次比賽就不分男女子組，當中只見兩位女參賽者。此外，亦見外籍侍應生氾濫現象，或者是比賽所在位置問題，皆因尖東這邊所開的餐廳以西餐廳為多，同時外國客人幫襯較多，所以聘請的多不是本地人，反而是菲律賓或泰國居多。湊巧今日賽事贏出頭三位的，都是來自尼泊爾，分別是 Dipak、 Bipan及 Dilip，他們分別在港做了五至七年侍應，大家老友鬼鬼，明顯懶理誰輸誰贏，總之開開心心和氣收場。佢哋話，今日係趁住落場時間過來玩玩開心吓，「人離鄉賤」這句話並無應驗在他們身上。問到他們三位咁多年來，在港有何樂與悲？ Dipak話最期待聽到客人讚自己服侍得好，令他感覺好開心；最後若果會寫埋意見卡讚自己做得好，更加係 Super Happy！ Bipan就曾遇到一位客人邀請他出席新年派對，做呢份工可以不斷認識到新客人，正如認識新朋友，呢點佢認為最值得高興。
放大圖片 
■（左起） Bipan、 Dipak、 Dilip全部有五年以上侍應經驗。
放大圖片 
■參賽者所拿的托盤內有意粉或熱狗及汽水餐具一份。
扮嘢冠軍來自學界
一路以來，飲食業是頗難捱的工作之一，工時長、人工低，從來沒有朝九晚五呢支歌仔唱。無辦法，始終侍應生入行門檻低，故此所付出的體力勞力自然比上班族為高。當 80後、 90後進軍人力資源市場，這班被社會人士紛紛責罵為難搞派、患有公主公子病的一群，又是否能克服這份要求刻苦耐勞的工作呢？剛巧於「扮鬼扮馬組」得獎的三位，正屬於千夫所指的年齡層，適逢求學時期出來兼職做侍應生賺零用。先問冠軍級人馬，意見多多扮演辣椒的葉建發同學（正就讀工商管理系）說，「我在連鎖式快餐廳持續做了兩年，覺得自己不是現時標籤的 90後，因為眼見有好多同事做不夠一個月或一星期就辭工，自己都覺得佢哋無耐性以及捱不到苦。而自己家都能繼續堅持，所以覺得應該唔算擁有 90後的特質。而且現時我就讀工商管理，希望由低做起，了解低層苦況，希望未來可從事飲食業 marketing工作時更得心應手。」至於扮演啤酒的蕭興盛同學（正就讀工程系）又點睇？「 80後呢個標籤其實係好籠統的講法，要視乎個人的責任感強唔強，就算遲咗放工都要執埋手尾先走，唔可以就咁走咗去。」嗱，同學們，呢位模範生行為要學習啦！
放大圖片 
■（左起）葉建發、蕭興盛、劉皓銘，呢三甲都絕不是怕醜仔。
放大圖片 
■選手們扮成各式美食登場作戰，無論是輸是贏，都贏了誠意這一關。
飲食業之酸甜苦辣 放大圖片 
■正宗示範：托盤放在近心口位置，更易於控制。
幸好比賽當日天陰陰、有點風，一班着晒蛋糕三文治上身的後生仔未至於汗流浹背，但小記亦頗替他們辛苦。想知道後生一代，在人人共知辛苦的侍應行業裏，又是如何看待無理要求、辛苦工作、最後所得？扮演蛋糕的劉皓銘同學（正就讀工商管理系）說：「我都試過遇上客人提出無理要求，例如問為何食物會冷掉要我換掉，或者被質問上菜為何與餐牌不一樣。好嘅係曾經有客人倒瀉杯汽水，佢好唔開心，但我們主動送過一杯畀佢，佢即刻開心番；仲有自己能學識餐廳製作食物的過程，知道我哋間餐廳的麪包係點整都好滿足。」似乎年輕人對工作的要求仍然單純，仲叻仔到識「拎嘢走」。辣椒繼續發聲：「飲食業係辛苦嘅，最長試過企 15個鐘，但賺的都是低過 28元時薪。自己試過遇到客人專登嫌食物污糟，要求免費送多碟食物如薯條；亦試過有次客人埋單畀貼士，佢想私人畀我，但我要講不可以，因為公司規定要繳交貼士，其實貼士對兼職學生來說都算多，都有五十幾蚊。」聽來這幾位 80後、 90後已算是人中典範，起碼肯出來做兼職，不是獨留家中打機；說話也肯同你眼神接觸，而非眈天望地。
全球 Waiters RunRunRun... 放大圖片 
法國■法國 Annecy的男女侍應，每月都會在舊城區搞比賽。
放大圖片 
比利時■去年布魯塞爾的國際賽，雲集全球好手托盤跑足 1.5公里。
放大圖片 
以色列■托盤競跑無分國界，耶路撒冷的靚仔們將法蘭西的傳統複製過來。
放大圖片 
英國■英國格拉斯哥的男士們，短褲仔出動，跑得特別有型。
放大圖片 
澳門■澳門去年都有搞托盤比賽以慶祝「世界旅遊日」。
放大圖片 
中國■中國陝西省的渭南市，早在 2002已經搞過托盤競跑。
Waiters' Race
根據 WaitersRace.com指出，全球最早的托盤競跑比賽 1901年在倫敦舉行， 1918年在法國舉行。但究其出處，原來是因巴黎侍應生服務冠絕全球，每年吸引逾百萬人次到訪此法國首都，各大 cafe為回饋顧客展示實力，所以舉辦托盤競跑並因此而聞名。比賽至今已晉身國際賽事並舉行了 23屆，每年由全球各大城市挑出最佳精英參與， 2010年就在比利時首都舉行，今年則移師中東國家巴林舉行。 
■喺現場睇會見到佢哋勁論盡，超爆笑。
留言列表
