Lotus Elise 2011 玲瓏浮凸索超蓮－明星靚相大分享☆

對豪門分「燊」家新聞感到厭惡，但樂於見到娛樂版經常將超蓮超雲攝入鏡，無他嘅，就跟車壇超跑蓮花一樣，玲瓏浮凸兼火辣辣，全新 Elise更改頭換面、變偈加波，男人見到點會唔心猿意馬呢？記者：徐影龍攝影：林栢鈞Model： Ginna@GME Models

其他副刊影片凸頭燈電暈你

對男士而言，四門房車或七人車如家中嬌妻，溫溫柔柔一架就夠！有錢嘅少不免心思思「包二奶」，養多架火辣狂野戰車，逢初一十五或假期出外砌番轉。 Lotus天生一副戰鬥格，身形嬌小收視十足，揸出街似拖住個明星仔咁令人羨慕！尤其久別重逢嘅 Elise，新版改動都算大，由頭到尾換晒 Look，先有一對攝魂車頭燈，凸起燈框又尖又長，再加一排奪目 LED，撻車一剎就似超蓮向你拋生藕，俾佢電到暈。至於鬼面罩同氣壩位，由渾圓曲線變得較為方形，勁似頂級百萬蓮花 Evora，車側 NIKE剔形入氣口，亦改為網狀欄柵，而尾部引擎蓋散熱位一分為三，造型變得更複雜，視覺上更具層次美感，下方擾流佈局亦有所改變，加上尾股彎彎翹起好 Sexy！

放大圖片
■ NIKE剔形入風位換上網狀欄柵，雜物無咁易吹入車。

■ NIKE剔形入風位換上網狀欄柵，雜物無咁易吹入車。

放大圖片
■凸起車頭燈已夠醒目，燈下再加 LED更係靈魂所在。

■凸起車頭燈已夠醒目，燈下再加 LED更係靈魂所在。

1.6偈已經夠砌

英國廠方一口氣推出三種版本 Elise，暫時只得 1.6L到港，而採用 1.8L 2ZZ-GE引擎嘅 Elise R及 SC亦陸續抵港。雖屬 1.6L入門版，但馬力達 136匹，如《頭 D》車神所講，最好嘅改裝唔係一味加大 Power，偷輕先最重要，由起圍、煞車、入彎 G力，負擔都會相應減低，所以面對唔夠 900kg嘅 Elise， 136匹已經好夠砌。一如過往仍是棍波 Only，由 5速提升至 6速，對好玩度、極速甚至慳油，都有更優越表現。由灣仔出發，上金鐘紅棉路兜個圈，雖無直路爆發，但上山扭力雄厚，入彎順暢，最重要係極力子重得嚟「寬容度」亦夠高，唔會一打冷震就死火，慢車塞車都無咁辛苦。

放大圖片
■車尾造型變得更立體豐富，微翹尾股更為引人入勝。