一向以來電視台的旅遊節目都是標榜靚風景，節目播出時一定會配合一把動聽的旁述聲音，但當你看過杜如風主持的 now節目《風行全世界》，便知道旅遊節目主持可以如此癲狂，然而癲狂背後卻是無數辛酸，不僅所有工作一腳踢，早前杜如風到英國拍特輯，更被當地製片放飛機，難怪她嬲爆。

杜如風在日本讀書，畢業後由於父親的關係於電影公司擔任繙譯的工作，之後有份參與寫劇本。後來誤打誤撞去到收費電視台工作，本來為旅遊節目撰稿，後來不知為何成為主持。

搵贊助冇人睬

now旅遊節目《風行全世界》現正播放第二輯，正當大家以為杜如風有錢賺，她卻擰擰頭說：「咪玩啦，唔蝕已經偷笑啦，到家我仲未回到本呀，我已經同 now傾緊加錢畀我，由頭到尾都係得兩個人做晒所有嘢，我就死啦，再係咁真係做唔掂呀。」原來由資料搜集、訂機票酒店、租車以至行程編排，全部都是杜如風和導演二人處理，她說：「好多人都以為我有好多 sponsor，事實上我連機票都冇 sponsor，我已經唔係去叫國泰 sponsor我，我搵到阿聯酋航空都唔睬我呀，因為我個節目係成嚿賣畀 now，唔係 now製作，所以 airline咪唔識我係乜水囉。」

放大圖片
杜如風在英國拍攝旅遊特輯，登上倫敦眼飽覽當地美麗景色。

杜如風在英國拍攝旅遊特輯，登上倫敦眼飽覽當地美麗景色。

放大圖片
今趟英國之行不得不提的，就是杜如風穿起婚紗做新娘。

今趟英國之行不得不提的，就是杜如風穿起婚紗做新娘。

專欄鬧爆製片 放大圖片
一腳踢的杜如風謂去英國被當地製片放飛機，該製片最後還想收錢。

一腳踢的杜如風謂去英國被當地製片放飛機，該製片最後還想收錢。

對於拍攝節目時的辛酸史，杜如風透露之前去英國一肚火，因為被當地的一個製片「放飛機」，她說：「我係叫佢幫我安排行程，約地方影嘢已經冇叫佢約，佢居然一日都冇出現過，仲收我 300英鎊一日，佢夠膽死最後一日走嚟想問我收錢。我返到香港喺專欄開名鬧爆佢，佢間公司最後打嚟向我了解件事。」採訪：李珮洳　攝影：林德雄場地提供： Les Artistes Cafe


杜如風表示旅遊節目《風行全世界》製作費緊絀，並謂「唔蝕已經偷笑」。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄