港人對寶馬 6系可能較陌生，呢款定位於豪華過 5系嘅轎跑，開篷版早過硬頂版面世，更遠走南非作全球發佈兼試車。最有型係踢走大熱嘅硬摺頂，保留更有味道嘅電軟篷，行車中仍可 19秒打開，將開普敦迷人景色盡收眼簾。記者、攝影：徐影龍


其他副刊影片 車身修長如箭在弦 放大圖片
■喺有「上帝之桌」稱號嘅桌山下疾飆，感受到澎湃馬力。

■喺有「上帝之桌」稱號嘅桌山下疾飆，感受到澎湃馬力。

首次踏足南非，搞過世界盃嘅開普敦比想像中更先進，保留沿岸美絕沙灘同大量野生動物嘅自然靚景，對開篷版搶閘出籠，擺明與動感行先嘅全新寶馬 6系，可謂相當之襯。一月試車、三月已抵港，今次 BMW HK反應非常快，引入 650iA及 640iA兩種版本。大改款後保留過往豪華大咪身形，比 Z4、 1、 3系更霸氣，但全車所有細節均相當貴氣，配合內外極豪設備，可想像成一架豪華 7系變成開篷車，感覺新鮮。較特別係唔玩硬摺頂，改為更優皮 Style嘅電軟篷，由於車身增長 74mm，車架調低 9mm，開篷後觀感相當修長有型，試揸時遇到其他傳媒經過，真係成支箭咁有氣勢！而實用性亦更高，如尾箱空間更闊落、開關更流暢、維修顧慮更低等，全開只需 19秒，仲可喺時速 40km/h下開合，雖然喺開普敦未遇過下雨天，不過隨心所欲開篷睇靚景，行車開篷就更正。

放大圖片
■屏幕雖非收納式，但設計到開篷曬住都唔反光。

■屏幕雖非收納式，但設計到開篷曬住都唔反光。

放大圖片
■有停車熄偈功能，慳油又環保。

■有停車熄偈功能，慳油又環保。

放大圖片
■大車身仍用雙門設計，後座乘客上落亦輕鬆。

■大車身仍用雙門設計，後座乘客上落亦輕鬆。

放大圖片
■內櫳有着 7系豪華闊落氣派，細節位卻更富動感。

■內櫳有着 7系豪華闊落氣派，細節位卻更富動感。

 

開篷享受沿岸靚景 放大圖片
■從鳥瞰角度望，軟篷完美地收納喺「蝙蝠翼」下。

■從鳥瞰角度望，軟篷完美地收納喺「蝙蝠翼」下。

一如過往，幾條試車路線都頗長，加埋超過幾百公里，不過有一半以上都係沿岸路線，揸住架最頂級嘅 650iA Convertible，望住藍藍天空及急浪拍岸嘅海景，實在有種說不出嘅瀟灑氣概。途經 Cape Point，直路較多及路面較闊， 650iA嘅 V8引擎能一展筋骨，雖難以榨盡 407匹瘋狂馬力，但稍試高轉數起圍能力，仍可感受吓 5秒玩 0-100km/h嘅力量感。回程時駛入複雜多彎嘅山路，途經全球五大靚景公路嘅 Chapman's Peak，雄偉懸崖路景雖美，但雙線雙程路面稍窄，起初仍小心入彎，慶幸開普敦跟香港一樣屬右軚車及左上右落，可少點顧慮，加上車架剛性提高 29%，以及 8速+/-波嘅配合下，就算 650iA身形頗大，但攻彎時依然越走越順，全無半點踩線窘境，寶馬優越嘅操控性，又再令我有驚喜。

放大圖片
■電軟篷開啟需時 19秒，仲可喺 40km/h行駛下自由開閂。

■電軟篷開啟需時 19秒，仲可喺 40km/h行駛下自由開閂。

放大圖片
■低至 1,750轉就到扭力峯值，有別一味扯高轉嘅大怪獸。

■低至 1,750轉就到扭力峯值，有別一味扯高轉嘅大怪獸。

 

BMW 650iA Convertible 放大圖片
■大改款嘅 6系，感覺上五官向前推，相當有氣勢。

■大改款嘅 6系，感覺上五官向前推，相當有氣勢。

引擎： 4,350cc V8馬力： 407hp/5,500-6,400rpm扭力： 600Nm/1,750-4,500rpm傳動： 8速 Steptronic+/-波箱售價：$1,708,850查詢： 3129 9000（ BMW HK）


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄