汪阿姐與羅家英這段情，經歷過幾次大風浪，兩人先後患癌，互相扶持，越過一關又一關。04年羅家英患腸癌，五年後病癒，09年終於在美國拉斯維加斯正式迎娶阿姐為妻。
不過，個多月前家英哥又染上怪病，面部肌肉僵硬，一度面臨面癱眼盲危機，幸得阿姐照顧，及早治療。談到發病經過，羅家英亦揑一把汗，他說︰「我驚癱咗，要阿姐照顧一世！」阿姐亦透露老公中風時好擔心︰「佢有事我點算！」

 
本周一（13日）家英哥與汪阿姐應邀到大埔泰亨村演出神功戲，今次是羅家英病後第一次復出做大戲，記者深入平日嚴禁外人進入的後台重地，為羅家英與汪阿姐做訪問。
據知羅家英本來已停工養病了個多月，但今次的神功戲是一早接落，惟有帶病上陣︰「呢台戲我一年前接o架！如果唔係唔會做啦，做大戲好辛苦！又唔可以早瞓，依家我最緊要早啲休息，養好個病。」

家英哥以手指推左眼下肌肉說：「發病時我試過用手指夾硬推啲肉上去，隻左眼都係瞌唔埋！」之前佢更示範面部推拿八式，包括擘大嘴（左圖）及大力閉眼（右圖）。

凌晨眼凸嘴歪
家英哥說幸好阿姐一發現他有事，即捉他看醫生，否則自己的左眼或會不保。原來11月他與阿姐到加拿大做騷期間，在凌晨一時，阿姐驚見老公神色呆滯，眼凸嘴歪，一度以為他中風，即刻急不及待迫他去看醫生。
「我患嘅係『貝爾氏麻痺症』，係細菌感染影響到面部嘅神經線，醫生話如果遲多三日去醫，我嘅左眼可能永遠瞌唔埋。後尾我知有朋友都係咁，隻眼長期瞌唔埋。唔夠眼水滋潤，好大件事，會影響視力甚至會盲。」

怕中風會癱
汪阿姐憶述：「當時我真係好驚，我同佢講︰『你一定要即刻睇醫生』，如果佢有事我點算？嗰次我突然見到佢眼凸凸，嘴又歪，成塊左邊面硬晒，個樣冇晒血色，好辛苦咁，真係嚇死。我冇嘢驚，係驚佢中風啫，所以依家都日日提住佢量血壓。呢個月佢好番好多，我至放心啲。」汪阿姐說西醫雖然話不用戒口，但經常都會煮清淡的食物及清潤湯水俾老公。
11月中開始，阿姐因為工作在身，又要為台慶準備又要與福祿壽開騷，未能日日在家英哥身邊照顧他，但阿姐會日日以視像電腦與家英哥通話，了解他的治療進度，阿姐說：「佢（家英哥）每日要用艾條薰面，我一有時間就會親自同佢做，呢啲嘢都係親力親為好！」
平日阿姐與家英哥秤不離砣，但為咗讓老公盡快病癒，阿姐出盡法寶，又瞞又，要家英哥盡量留家養病，所以阿姐最近攞榮譽院士，家英哥未見蹤影。
發病初期，家英哥十分徬徨，他打趣說︰「最初我都打定輸數，個嘴歪咗，一係退休，一係做丑角囉。我最驚係中風，可大可小嘛。我阿媽都試過中風，我驚癱咗，阿姐要照顧我一世！娶佢我係準備照顧佢o架，唔係要佢嚟照顧我！」
為了保住身體，兌現照顧阿姐承諾，家英哥現在好錫身，訪問期間，他突然打了個噴嚏，便急急戴番頂冷帽保暖，他說︰「依家我好注意自己身體，嗰次面癱係因為太疲倦，喺加拿大唔適應時差，夜晚瞓唔着，抵抗力差咗，半夜起身感染到風寒，但我唔鍾意開暖氣，因為我怕焗，咪俾感冒菌入侵神經線出事。」。
阿姐對老公病情十分緊張，送他去加國醫院睇急症期間，還打長途電話回香港找黃淑儀老公（腦科醫生徐曼清）問症，幸而羅家英食了加國醫生開的藥已見好轉。「睇一次急症要成七百幾蚊加幣（約六千港幣），都幾貴。」家英哥說。

每日做活面八式
「我返香港後，日日半個鐘燒艾草薰面部穴位，又堅持做活面八式，包括戚眉、睜眼、皺眉、大力閉眼、嘟嘴、劈嘴、嗡鼻及眼球上下轉動等，每式做50下。然後按壓眉頭、嘴角、鼻翼，眼下太陽穴、耳後同按摩頭皮。每日都做成兩個鐘，一定唔可以偷懶o架！要健健康康，唔想阿姐有顧慮。」
雖然生病是禍，但有老婆照顧，家英哥都十分窩心。「阿姐會煲我最鍾意嘅羊肉湯，因為夠暖身，佢怕我凍吖嘛，有時同阿姐去涮羊肉囉。另外，食到阿姐嘅炒飯就最好啦！佢好拿手o架！」家英哥不忘讚老婆，難怪阿姐在旁冧爆甜笑。
其實，兩人經歷了幾次大病後，更深深感受到彼此的重要性，難怪他們這幾年搵銀之餘，亦不停環遊世界，家英哥亦話：「生病時才知家人最重要。」

貝爾氏麻痺症會面癱失明
羅家英患的「貝爾氏麻痺症」是突發性的顏面神經麻痺，俗稱「面癱」，此病症會導致半邊面部肌肉失調，猶如中風。起因是感冒菌入侵第七對腦神經線所致。主要症狀是半邊肌肉麻痺、僵硬；無法皺眉、微笑、嘴歪，一邊眼睛未能緊閉、不停流眼水，因眼睛瞌不上，眼角膜易發炎，嚴重的會導致失明。
據蔡宇國中醫師指︰「貝爾氏麻痺症」可以中醫診治，中醫角度叫『面癱』，會痛及痺，亦係中風的一種。中風分『真中風』同『類中風』，面癱屬『真中風』，係風寒入侵經脈所致。『類中風』就係內風，會半癱。可以配合中藥、針灸同推拿治療，如果及早發現，一個療程(十次)就可以恢復七、八成，但有機會復發，體質差嘅會中完一邊面到另一邊面。」

微博爆病情
11月5日，家英哥在微博爆患病，兩日後（7日），更將「貝爾氏麻痺症」的病例及治療方法post上微博，fans好友紛紛留言問候。


上個月，家英哥在其個人網誌自爆患有貝爾氏麻痺症，除了阿姐憂心外，福祿壽亦擔憂不已，而關菊英原來亦曾在十多年前患此病，經醫治後成功康復。
阮兆祥「我之前有問候過阿姐家英哥點，阿姐話『得啦！得啦！冇事喇！』阿姐咁講，我都放心晒。」
關菊英「十幾年前，我由加拿大揸車去美國玩，返屋企後發現個嘴戚起，瞓覺時眼又瞌唔埋。第二日我去同黃淑儀、李琳琳食飯，原來佢哋都試過。黃淑儀老公係醫生，佢開咗好多藥俾我，大部分都係激素或者類固醇，我食咗十幾日後，個嘴好彩冇再戚起就好番。」

互相扶持戰病魔
64歲的家英哥同63歲的阿姐，因做粵劇認識，風雨同路廿幾載，兩人先後患上癌症，互相扶持下戰勝病魔，去年初拉埋天窗，不離不棄。

阿姐患癌
94年阿姐患上甲狀腺癌，初時更接受不了這個事實︰「點解點解會有這種病！」後來得家英哥安慰，配合醫生做了完全切除手術才康復。

阿姐與羅家英因為演出粵劇結情緣，兩夫婦經常夫婦檔演出。

阿姐再患乳癌
02年，阿姐再患上乳癌，幸好早發現，成功切除腫瘤。當時正在內地拍戲的家英哥趕返香港，日日到醫院照顧阿姐起居飲食，給予支持和鼓勵。阿姐做手術前的一個星期，他更鄭重地向阿姐求婚︰「阿姐，你需要有個家，有個疼你愛你的人來保護你，答應我，嫁俾我。」不過患病的阿姐卻拒絕了家英哥的求婚。之後阿姐手術成功，他開心到差點哭出來。

04年羅家英患腸癌，阿姐不但陪伴左右，兩人更特地飛到日本求神續命。

家英患腸癌
04年12月，阿姐知道羅家英得了腸癌，哭了一整夜。12月底，阿姐陪家英哥到醫院做手術，知道他手術成功即喜極而泣。兩個月後，家英哥出院回家療養，在阿姐悉心的照顧下，家英哥精神狀態愈來愈好。當時，阿姐向家英哥提出結婚，家英哥被阿姐感動到流淚答允。

09年5月，經歷多次生死的阿姐與家英哥，終於在美國拉斯維加斯拉埋天窗。


12月14日大埔做神功戲
汪阿姐本周二（14日）與老公家英哥在大埔泰亨村演神功戲前，坐在戲棚內接受訪問，阿姐說光頭的家英哥比常人容易着涼，要小心保暖。





11月7日嘴歪面硬返港
阿姐與家英哥夫婦早前從加拿大返港，在香港機場出現，當時家英哥的左眼瞌唔埋。


阿姐的化妝鏡比家英哥多出左右兩面，貪靚的她表示可以看清楚妝容。


家英哥的大戲妝，多年來都是自己化，見他大半小時已經搞掂。


開場前個半小時，阿姐與家英哥已經在戲棚後台綵排、練走位，一絲不苟。


13日晚，家英哥同阿姐合演《穆桂英大破洪洲》，兩人在台上奉旨耍花槍。


汪阿姐與同劇演員圍枱食齋，但不忘四處望，關心老公家英哥去向。


晚飯分開食
由於家英哥嫌齋菜肥膩，所以寧願食腸粉充飢。而他臨到戲棚前，先在家中吃了阿姐為他準備的清淡飯菜。


開場前個多小時，已有一半座位坐滿等開場，正式時入座率約八成。


家英哥吃東西時，有fans乘機上前拍照，更關心地問候：「家英哥你個病好番未？」家英哥回應：「好好多，多謝關心。」


阿姐開騷老公冇影
雖然為老公的病憂心，但12月初阿姐在《荃加福祿壽宇宙最長演唱會》中，與草蜢勁歌熱舞，十分專業。《蘋果日報》圖片


阿姐開騷，家英哥卻因為養病而沒有出現撐場。


12月7日
汪明荃從唐英年手中接獲職業訓練局頒發的榮譽院士。為免家英哥操勞，阿姐瞞住老公，但事後家英哥在微博詐型，話咁大件事應該話佢知。《蘋果日報》圖片


11月23日艾條薰面
家英哥在微博分享治病方法，更自爆用艾條薰面，每次要薰半小時。


11月23日爭取休息
家英哥自爆患有「貝爾氏麻痺症」後，得到唔少人支持及關心，就算帶病工作嘅家英哥都會爭取時間休息。


11月5日暫停微博
家英哥在微博透露身體出現一些小問題，更停止近十天寫微博，當時他戴上黑超遮掩瞌唔埋嘅左眼。


阮兆祥


關菊英




arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄