傅穎公開同羅仲謙斷絕關係，仲話佢冇誠信冇句真，乖乖仔原來係花心男。
現實生活疑似偷食，不過巨胸謙喺本週四聖誕檔上映的新戲《婚前試愛》就冇得抵賴，瞞住未婚妻周秀娜（Chrissie）嗒咗浸大E神楊梓瑤（Carol），仲激到喺大廳梳化就地解決。一腳踏兩船，好在巨胸謙臨尾都回頭是岸同娜姐結婚，洞房當晚又特別落力，唔單只幫老婆除衫，更自動波啜胸錫肚臍。
有人服侍全身錫，高潮Chrissie原來唔算太enjoy，仲話俾巨胸謙「㓤親」，係啲鬚咋！咪心邪。


26歲羅仲謙憑40吋結實巨胸響朵，首次擔正做男主角就有幸對住兩位大胸女神Chrissie同Carol，而且唔係拖手錫嘴咁簡單，全套戲有四場埋身肉搏都有佢份，少啲精力都搞唔掂。

女上男下
巨胸謙戲中要做偷食男，明明仲有3日就同Chrissie結婚，偏偏受唔住誘惑搭上老泥妹Carol，大膽到帶埋新歡上自己新房過夜，連廚房梳化都唔放過，食咗先講。
不過莊閒始終有別，巨胸謙同散餐Carol去到盡都係半裸錫頸，但對住老婆Chrissie就放得多。其中一幕講兩夫婦新婚洞房，巨胸謙忍唔住一個轉身就壓落娜姐身上，剝晒衫褲後又主動服侍老婆，由頸開始啜落胸，然後愈錫愈落，咀埋肚臍，更激到玩女上男下，搞足3分鐘。

㓤到見紅
埋牙開波，怕醜仔羅仲謙話今次係自己史上最大膽演出，「我真實世界未試過偷食，所以今次都要好投入個角色先拍到，有幾場戲係好大膽，我拍完都即刻睇playback，好在拍出嚟效果都好好！」
巨胸謙緊張大師上身，反而娜姐輕鬆得多，「我接到劇本第一個反應係『正！可以名正言順偷食！』（有冇俾40吋巨胸電親？）冇感覺喎！你哋望落以為我好享受，其實我淨係覺得好攰囉，日日都要搞十幾個鐘，同埋佢啲鬚好㓤，搞到我男朋友都問我點解心口紅晒！」


《婚》片本週四（23日）上畫，羅仲謙（左一）、周秀娜（右二）、萬寧哥哥沈志明（右一）同導演葉念琛上週六（18日）齊齊落旺角谷戲宣傳。花心謙當日完全冇理周秀娜，可能煩緊傅穎啩？

踩界性愛
擺明車馬賣肉，自編自導的葉念琛話一早吼中娜姐，「呢套戲係講偷食，一定要有啲踩界性愛場面，唔係觀眾會覺得我得個講字。Chrissie係當今最性感女神，而且佢性格夠晒真，就算女觀眾都唔會討厭佢。之前佢寫真有幾大膽你哋睇到，但我好肯定佢喺呢部戲嘅演出，絕對會激好多！」
花心男友激戰女神，傅穎週日（19日）見到羅仲謙的床照，竟然全無意欲望多兩眼，仲話：「我睇過啦！（啲相未出過街喎，係咪羅仲謙畀你睇？）總之睇過喇！呢啲相好平常啫！（會唔會嬲？）我絕對唔會嬲！」
開到聲話唔會嬲，究竟傅穎係大方定已經死心先？

咪神惡鬥續集
出年決定唔出寫真，皆因Chrissie經已跳出o靚模界，成功躋身影圈紅人。繼《婚前試愛》後，Chrissie年底同時趕拍兩部大電影，一邊飛去台北夥拍小天王蕭敬騰，上星期就返咗內地江門拍王晶新片《猛男滾死隊》，死敵Carol同「33E」最高o靚模Caroline（朱裕琳）都有份演出。不過合作過《婚前試愛》的Chrissie同Carol就明顯面阻阻，冇偈傾。


啜爆肚臍
巨胸謙偷食完Carol，好在都識返屋企慰妻。娜姐呢頭話俾謙仔啲鬚㓤親，但個表情又好enjoy，果然好戲！


猴擒生剝
洞房夜見到老婆咁索，謙仔點忍得住，即刻除完自己再除老婆件衫啦！


埋頭苦幹
巨胸謙要錫娜姐個胸，雖然都係就位居多，但唔多唔少都索到娜姐嘅體香啩！


女神解bra
服侍完老婆，輪到巨胸謙做大爺，瞓响床度等睇嘢，由得娜姐女上男下。



要搞10幾個鐘！（真實對白）
Chrissie話拍幾場埋牙戲分都冇尷尬，反而係導演葉念琛主動要求清場拍攝，非常體貼。



各自偷食　就地正法
Chrissie因工作認識攝影師萬寧哥哥，慾火一撻即着，連場野戰搞到濕晒，Chrissie話：「要顧演技，其實好緊張唔會享受。」



謙仔上E神
至於Chrissie未婚夫羅仲謙，就被wet妹Carol色誘成功，娶女神Chrissie前偷食E神嘅羅仲謙，今次恨死全港宅男。


扮WG
當日一開始拍攝，成班女主角要着住珠片吊帶裙扮Wonder Girls跳舞。


左起：Carol、Caroline、徐自賢、Chrissie、江怡
Chrissie和浸大E神着住比堅尼濕晒身，兩人全場冇兩句更拒絕合照。


高衩搶鏡
為搶Chrissie鏡，Carol涉嫌刻意揀定高衩深溝泳衣搶鏡，Chrissie表示唔介意同Carol比較：「冇所謂，其實《婚前試愛》大家都冇乜對手戲，但我哋私底下有微博嘅。」


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄