上期講完獨立「圓環紋」，今期再講喺各主要線出現「圓環紋」。咁嘅情況大部分都係會帶來阻滯，只有小部分係好嘢！
（上至下）
心線
代表個人嘅心同腦部易有疾病；亦代表喺戀愛路途上容易失望。
生命線
代表呢個人體質弱；一生中好容易會因親人的問題而受到困擾。
腦線
代表腦部發展有機會受到阻礙，或者喺思考上經常出現問題；甚至有可能失明。
（左至右）
太陽線 好！
在太陽線中間出現圓環紋，代表會有突然成名機會；在末端出現，則代表一生盛名不衰。
水星線 好！
對個人一生所賺得來嘅財富起着保護作用。
命運線
代表一生中會有突發事情，搞到失去事業與家庭。
So time
讀者睡寶寶問：
本人顧X芳，女，196X年新曆X月25日出生，出生時間不詳，本人希望能被抽中，指點一下本人。問題如下：
1. 我何時行大運？
2. 本人工作如何，現時工作沉悶亦未能發揮所長，應否轉工？
3. 何時可以退休？晚運如何？
4. 財運如何？
5. 我還會有姻緣嗎？還是孤獨終老？
6. 現有一層樓，快供完。可否再買另一層樓呢？
蘇師傅答：你屬「土」，生於冬天，一生人要「木」及「火」來助旺個人運氣。命格上36歲入大運，但36至46歲運氣行得較慢，46至66歲行得會快啲，特別喺工作上，所有事都會較稱心。不過呢段時間又係夫妻相沖，對夫妻關係會有負面影響。今年去到2015年，你行做生意運，自己做老闆有利，但唔行打工運，若果你打緊工，就會做到好辛苦都唔見有好大收穫。轉工或創業，你就諗清楚啲啦！你喺56歲左右可以退休嘅，亦可安享晚年。財運方面，只要你行緊大運即係行財運，喺財政方面自然會好。逢「4」及「5」字尾嘅年份較容易有姻緣，嚟緊兔年係重桃花，不想孤獨終老就喺明年努力啲去搵個伴嘞，唔得就喺2014或2015年盡地一煲。想再買多一層樓，係可以嘅，不過你亦要去搵定樓市資料，做定功課，睇啱又負擔得起咪入市囉！
留言列表
