憑一曲〈Nobody〉熱爆全球的韓國女子組合Wonder Girls（WG）上週五（17日）喺亞洲博覽館舉行香港首次個唱，全場爆滿。
台上不斷翻唱經典〈Nobody〉快、慢、remix外，難得觀眾唔嫌悶，5女仲大方邀請男fans上台獻唱情歌兼拖手仔，引嚟全場尖叫。
WG除咗唱歌，之前仲首度客串荷里活改編經典電影《教父》嘅新搞笑版《The Last God Father》，戲內唔使扮鬼扮馬，一於做番自己，繼續以WG造型現身大銀幕，唔怕你悶繼續唱〈Nobody〉，咁就輕易攻入荷里活，犀利囉！


成功喺亞洲各地打響名堂嘅WG，其實年頭曾喺美國發行過《Nobody》大碟，仲打入美國Billboard細碟年終總排行榜第31位，成績驕人。

1個月袋1,500萬
WG一連3場嘅亞洲巡迴演唱，首站為泰國，尾站係香港，完成巡迴演唱後，WG會主力籌備2011年大碟，想睇WG表演，起碼要等新碟出街先得。
11月13日　泰國500萬
12月11日　馬來西亞500萬
12月17日　香港500萬

50年代歌女
一曲爆紅後，5女早前仲殺入荷里活客串電影《The Last God Father》，戲內外都做番Wonder Girls，成員之一嘅惠琳話：「由於套戲背景喺50年代，導演覺得同我哋首〈Nobody〉嘅MV好夾，所以邀請我哋客串演出！只知喺戲裏面照唱〈Nobody〉，對我嚟講好easy。」


左起：譽恩，（隊長）先藝，瑜斌，昭熙，惠琳
年頭WG憑大碟《Nobody》打入美國樂壇，年底獲得美國Billboard唱片排行榜第31位，成員譽恩說：「好開心，希望出年隻新碟喺亞洲一樣咁成功！」

訪問規矩多
本刊記者獨家採訪WG時，除咗要早一個月預約，仲要跟足韓國規矩，限時20分鐘，仲要畀工作人員檢查手機錄音功能防止盜錄，而問題仲要早半個月被經理人過目，透過email擬定好問題後，喺現場只可以照稿讀，一條都唔可以多問！

規矩
．限時20分鐘
．密室採訪個別媒體
．經理人指導WG擺pose連影5分鐘
．問題要先經過濾，不能隨便發問。
．訪問期間，一律不准攝影或錄音。

主攻亞洲
雖然有得拍西片，不過WG就話嚟緊一樣唔會放棄亞洲市場，隊長先藝說：「韓國市場當然重要，不過公司想我哋將學到嘅國語活學活用，打開亞洲市場。香港藝人我哋都有留意，家最想同祖兒同Jaycee（房祖名）合唱同拍戲！Joey（容祖兒）唱歌好，又有台型；而Jaycee就有才華。」

最愛港星
要嚟大中華發展，WG成員一早有晒中文底，隊長先藝說：「我哋每人最少都學咗1年半中文，最長嘅學咗3年。」又演出又學中文，以為冇晒私人時間，但成員昭熙就話：「我哋每星期最少見屋企人一次o架！」
今次主辦單位透露WG演出酬勞最少有500萬港銀，唱一場就穩袋500萬，計埋早前泰國和馬來西亞兩場巡迴演唱，單係亞洲巡迴演唱就賺成千幾萬，唔怪得要主攻亞洲吸金啦！

轉channel
18歲嘅惠琳今年初先加入WG，於香港長大嘅佢出席台灣活動時曾同本刊講：「好掛住香港啲嘢食，尤其係菠蘿包！」估唔到事隔一年，本刊再訪問時惠琳已經唔識聽講廣東話，只能用有限國語同記者溝通，可見惠琳好大決心做韓星喎！


右起：惠琳，（隊長）先藝，瑜斌，譽恩，昭熙
演唱會上WG 5女大晒才藝，各自擔演solo環節，全場唱足90分鐘，入座率更高達9成！


在個半小時演唱會，WG唱足4個不同版本的〈Nobody〉，難得觀眾反應仍然熱烈。演唱〈Tell Me〉時，全場更一齊大合唱。


今次WG來港入住喺機場天際萬豪酒店，酒店只屬一般級數，平日只收$1,580一晚。


電影《The Last God Father》背景講述1951年美國紐約，主角Young-gu一向蠢到出汁，卻突然被委任成新一代「教父」而引發一連串笑位。WG在戲中大跳〈Nobody〉，真係易到爆！



好鍾意容祖兒！真實對白


訪問當日WG的經理人叫5女照足演唱會甫士影相，紀律好嚴謹喎！


拍戲好easy！真實對白


10年1月廣東話會fans


成員惠琳一直想同Jaycee（房祖名）合作，演唱會前夕更收到祖名送來的花籃，氹到惠琳超開心。


WG 5女都話至愛容祖兒，惠琳仲話自細就聽佢唱歌同拍劇，特別有親切感。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄