聖誕必玩 Apps 一 㩒落雪
歡度白色冬日聖誕，試問邊個唔鍾意？但有無諗過，嚴寒氣溫下欣賞燈飾，絕不好受。其實你只要拎住部 iPhone，上 App Store單撈個「鴨舌」，即可在任何環境下拍攝飄逸雪景，今次就介紹幾款聖誕 App畀大家，唔單止影相，仲有極具氣氛嘅拍片同埋遊戲 Apps，嗱嗱聲拎起部手機，大家齊齊㩒！記者：陳國輝攝影：林栢鈞、伍慶泉Model： Irene、 Clarisse
雪花四圍飄 放大圖片 
■無需專業裝備，憑 iPhone單撈 App就夠玩。
查實喺背景加入落雪效果，去年聖誕時已經推出過。至於呢款《 White Christmas》可謂前者嘅升級版，佢除咗翻抄模擬真實雪景，仲加入兩款卡通化效果，再加上有行 Bar畀你調整落雪時嘅頻密程度，算玩得幾專業！至於女仔同小朋友都好鍾意嘅，仲有一啲小禮物同埋其他聖誕裝飾。呢款 App內置十幾款有趣圖案，例如聖誕老人鬍鬚，聖誕樹、小禮物等，讓你 Key落被攝對象，增強氣氛；你更可將圖案放大縮小、左右旋轉，直至調整啱嘅角度為止。
放大圖片 
試相：效果豐富好多，不過解像度略低。
放大圖片 
名稱：《 White Christmas》平台： iOS 4.0或以上售價：免費
加對白拍片 放大圖片 
拍 Movie亦可帶出近似效果，呢款 App提供聖誕背景相供你揀，仲可選擇多款經典聖誕音樂；但講到最有創意，就肯定係親自設計對白，你可於片頭、片尾位置加入祝福語，並可揀選特色字款，任你盡情發揮。名稱：《 Holiday Video Cards by vlix》平台： iOS 4.2或以上售價：免費
勁彩 Home Screen 放大圖片 
除咗自己一身聖誕裝扮，更要為手機化個靚「妝」！講緊係《 Xmas Home Screen Maker》，入面提供各種 Wallpaper之餘，亦可幫 Icon邊框加小裝飾，例如聖誕樹、聖誕花以及小禮物，令你部 iPhone變得不一樣。名稱：《 Xmas Home Screen Maker》平台： iOS 4.0或以上售價：免費
聖誕版 Photo Hunt 放大圖片 
由街機玩到落手機嘅點錯處遊戲，一直以來大人細路都啱玩！今次以 Xmas為主題，每關圖像當然亦係聖誕實景，例如有聖誕老人毛公仔，落雪景色，甚至全球各地嘅聖誕佈置，呢類遊戲最啱一班人玩。名稱： Xmas Find In Differences平台： iOS 4.0或以上售價：免費
同場加映： Android App與聖誕老人對話
這款《 Talking Santa》，顧名思義你可面對面同聖誕老人傾偈，雖然唔支援廣東話，但加入有趣嘅小互動遊戲，例如拆開聖誕老人禮物，同佢合照等。
放大圖片 
■你可變身做老師，教聖誕老人說話。
放大圖片 
名稱： Talking Santa平台： Android 2.1或以上售價：免費
玩遊戲考平衡力 放大圖片 
以造型 Cutie嘅白色蝙蝠作為主角，玩家需要切開蝙蝠咬住嘅木條，然後借助手機水平功能，令禮品掉進聖誕襪才算成功，好考你平衡力！名稱： Christmas Slice平台： Android 2.0.1或以上售價：免費 
留言列表
