酒後駕駛，危害他人，但酒後做司儀，一樣麻煩到拍檔。上星期六（十二月十一日），一年一度嘅《歡樂滿東華》又開波，由八點開騷做到凌晨三點，其間只有晚間新聞時段可以休息醫肚，身為大會司儀嘅曾志偉，要由頭撐到尾，唔係咁容易，用心良苦嘅苗僑偉、戚美珍，夜晚十點幾收工，買定打邊爐食材同紅酒，過廠搵曾志偉醫肚。


一直留响傳媒不得內進嘅VIP化妝間又食又飲嘅曾志偉，其間嘅司儀工作，全部交由鄧梓峰、曾華倩、梅小惠負責，直到凌晨兩點，開始《東華》壓軸好戲《卡拉之星》，飲酒飲到眼都擘唔大嘅志偉，被迫出場幫手做啦啦隊打氣，雖然未醉到瞓着覺，但志偉嘅反應明顯慢幾拍，要其他拍檔幫手介紹節目，曾華倩仲乘機篤志偉個頭，等佢清醒吓！

最辛苦vs最搵笨
籌款金額多與少，其實同難度高低無關，正如江若琳用成個禮拜練絲帶空中舞，周身骨痛又有危險，都只係籌得20萬，反而陳豪花五分鐘，學識用釘釘穿雞蛋，無難度可言，輕鬆籌到30萬，佢仲唔怕醜話原本想籌60萬。

最當紅
雖然有楊千嬅、容祖兒等天后歌手表演，但點都唔及應屆視帝黎耀祥以及商天娥，拖手唱歌籌到40萬善款。

最威風vs最失望
雖然《卡拉之星》環節到深夜兩點先開始，但响無綫做二打六嘅小演員，會積極籌集善款，希望有機會出鏡做主角。至於「卡拉」常客、鍾意配合手語唱歌嘅王維德，原本籌到十一萬登上第一位可以唱壓軸，點知薛家燕臨尾發力籌多三萬過佢頭，仲攞埋年度「卡拉之星」大獎。


飲酒後


飲酒前
開騷前，曾志偉雙眼不知幾精靈，但打過邊爐飲埋紅酒，深夜兩點埋位繼續做司儀，一對矇豬眼已經唔識擘大，曾華倩仲乘機篤志偉個頭，等佢清醒吓！


醒未呀！（設計對白）


三哥三嫂收工即過廠搵志偉，明知老友之後仲要開工，都要飲番兩杯！






arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄