雖然在無綫頒獎禮中痛失「視后」大獎，但佘詩曼在整個二○一○年其實極之豐收，今年專注返大陸賺「人仔」的她，用了半年時間接拍兩部大陸劇，袋了七百萬，之後又被Shiseido睇中，以百五萬做代言人，加埋早前賣掉北角千呎風水屋，淨賺八百六十八萬，全年合共進賬達三千萬，成為電視界吸金女王。

高價接廣告
正身在無錫拍攝大陸劇《帶刀女捕快》的佘詩曼，早前秘密返港為Shiseido拍攝全新系列廣告。據知廣告商鎖定要搵年齡超過三十歲的女星擔任代言人，除了三十五歲的阿佘是人選之一，還有另外兩位女藝人在候選名單中，但最後大老細睇中無論知名度同形象都佔優的阿佘，就算酬勞叫價是三人之中收得最貴，一年企硬一百五十萬，廣告商依然覺得物超所值。
拍攝場地在中環一間酒店的三十樓天台，其中一幕導演要求著住四吋高踭鞋的阿佘，企在天台圍欄邊，上半身要向街外傾前，即使拍戲吊慣威吔飛來飛去，但在無任何安全措施下企到咁高，阿佘都有些少膽怯，唔敢直接望落街。

狂拍大陸劇
除了接拍廣告，令阿佘豬籠入水另一個主因，是她今年投放更多時間到大陸賺人仔（人民幣），以往阿佘一條心留在無綫拍劇，每年起碼拍四部，根本無時間再接其他工作，但今年她只接拍《公主嫁到》同《花花世界花家姐》，其餘時間則長駐大陸拍劇，在六至八月期間便與郭晉安拍了四十集古裝劇《審死官》，目前就同歐陽震華拍《帶刀女捕快》。
「阿佘係近年香港最叫到價嘅無綫女藝人，因為佢之前《金枝慾孽》、《歲月風雲》同《宮心計》喺大陸都好收得，所以嗌十萬蚊一集拍大陸劇都大把人爭住要，不過下年應該唔止呢個價，因為佢套《公主嫁到》遲啲會喺中央台全國播放，到時阿佘應該會再紅啲。」一名大陸製作人說。
雖然拍大陸劇好搵，但始終要捱更抵夜，所賺的絕對係辛苦錢，正如本週一（十三日）阿佘便在微博中訴苦，因捱唔住零度低溫，拍劇中途病倒。要輕輕鬆鬆錢滾錢，始終買樓投資最舒服。

壓倒林峯
上個月阿佘就以一千三百六十八萬，售出○三年以「沙士價」五百萬購入的北角海景台千二呎單位，賬面足足賺了八百六十八萬，加埋今年工作所賺酬勞，總收入有三千萬，拋離無綫兩大小生林峯同陳豪，成為首席吸金王。
對於再度冧庄成為無綫最賺錢藝人，阿佘表現興奮，「係唔係真o架？我都無計過今年搵咗幾多錢，不過今年好好彩，可以喺TVB拍劇，中間又有期去大陸拍多兩個劇，而且價錢都好滿意，同埋《公主》幫咗好多，嗰段時間好多job搵上門，所以今年都算豐收。」
既然收入大增，又賣埋風水屋，會唔會再買樓投資？「其實一路有睇樓，我諗睇到啱心水會再出擊，我心目中都係想買番港島區。」阿佘說。

吸金榜
今年阿佘繼續冧庄成為無綫最賺錢藝人第一名，而兩大小生林峯同陳豪則叮噹馬頭，分別成為第二、三位，但最令人意外是入行僅三個月的「超級巨聲」林欣彤，竟然能夠殺入十大，賺錢能力不容忽視。

1. 佘詩曼
活動、登台、外地活動 共384萬
電影：《72家租客》 5萬
劇集：《公主嫁到》、《花花世界花家姐》 共145.6萬
內地劇集：《審死官》、《帶刀女捕快》 共700萬
廣告：Wanko（中港）、Shiseido、美容系列（中國）、雅芳婷（中港）共1,000萬
共賺：2,234.6萬

2. 林峯
活動、登台 共221萬
演唱會（香港、澳門、加拿大）×7場 共420萬
電影：《翡翠明珠》、《抱抱俏佳人》、《白蛇傳說》 共200萬
劇集：《談情說案》、《摘星之旅》、《花花世界花家姐》共150萬
唱片：《Come 2 Me》30萬
廣告：All Coffee（亞洲區）、依波路手錶（中港） 共350萬
共賺：1,371萬

3. 陳豪
活動、登台 共292萬
劇集：《公主嫁到》、《心戰》、《點解阿Sir係阿Sir》 共230萬
廣告：Shiseido、渣打、PomPei、捷榮咖啡、史雲遜生髮、愛彼錶女皇盃 共670萬
共賺：1,192萬

 

10. 林欣彤
活動：登台（中、港、台）共108萬
電影：《我愛香港》 10萬
廣告：大新銀行、植村秀 共100萬
共賺：218萬



阿佘在無綫頒獎禮中輸給鄧萃雯，無緣再做視后，好彩收入大增，有獎金好過有獎品啦。


阿佘要站在樓高三十層天台進行拍攝，有畏高的她全程都扶實欄杆，唔敢望下面。


每拍完一個鏡頭，阿佘都會睇番自己表現。


廣告由早拍到晚，但全日阿佘只食了幾啖意粉頂肚。


明年《公主嫁到》將會在中央台播放，到時阿佘身價必定再升。


○三年阿佘以五百萬買入海景台風水屋，入住後一帆風順。


今年阿佘分別同郭晉安及歐陽震華，拍了兩套大陸劇，在橫店及無錫生活了近半年。



阿佘早前被發現由地產經紀陪同下，到北角一帶睇樓。（第 1084 期 忽完就走 圖片）


早前阿佘以80萬買了架Benz E350。


林欣彤得獎後人氣急升，出騷身價拍得住一線花旦，上星期她就收十萬在馬場唱歌。


今年林峯主力登台開騷，七月就在紅館舉行了四場個人演唱會。





4. 胡杏兒
共賺：720萬


5. 廖碧兒
共賺：614萬


6. 鍾嘉欣
共賺：572萬


7. 楊怡
共賺：568.5萬


8. 黃宗澤
共賺：555.2萬


9. 陳法拉
共賺：491.6萬


arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄