Fun app
理得你繼續鬧爆Jeana寸嘴、假胸，事實佢入手到1,500萬豪宅，仲有富豪Victor力追，唔到你唔服。其實都多得佢間𡃁模界橋王經理人公司，幫Jeana殺入完大銀幕、舞台劇，最近仲模仿Angry Birds製作iPhone小遊戲「憤怒Jeana」，要求班毒男苦練射手神技，用關卡星星換Jeana噴血相，粉絲射得特別順氣
名稱：《Angry Jeana》平台：iOS 收費：限時Free
平板Jeana怒擲手榴彈
匿入被竇打開個app，以為會見到Jeana個不倒胸迫爆芒畫面，點知見到個超卡娃兒卡通女，再加隻熊啤啤做怪獸，正氣到不得了，真係懷疑過自己係咪單撈錯「鴨舌」！好啦，繼續玩，隻game都幾講技巧，好有挑戰性；你要好似玩《泡泡龍射波》咁，左右控制炮管角度，再篤住箭嘴拉上拉落控制力度發射手榴彈，力度同角度控制得唔好，條拋物線就對唔正對面啲怪物。掉咗炸彈之後，仲要睇時機㩒一下芒引爆，可以玩半空爆炸、落力後翻滾之後再爆幾種高級技巧，好笑係如果手榴彈跌錯落Jeana身邊，會炸到佢仆落街。
事業線收收埋埋
喂，但係隻game主菜級數唔係手榴彈拋物線，係Jeana條事業線啊！辛辛苦苦全部以三星過版，竟然冇相自動彈出，勁冇心機，好在靚相原來收喺主畫面，click Jeana側影嗰icon就有得睇。問番開發商，佢哋話係唔想班毒男喺港鐵玩玩吓彈張噴血Jeana寫真出嚟，怕嚇親企隔籬個妹妹仔，家收埋慢慢睇咪冇尷尬囉！
漸變式少布
初頭開到嘅相，Jeana都係着住件窄身tee，冇乜睇頭，要去到最尾幾版，先有不倒胸睇。
娜姐出手打怪獸
雖然周秀娜都唔可以再叫模，不過一樣準備1月出app勾仔，娜姐即將進軍大銀幕，扮演香港正義女超人紫荊俠，呢款就係電影同名動作game，Chissie變身Q版紫荊俠，「正常」玩家可以當橫向動作打走色狼怪獸，而龍友一樣可以打波士儲靚相。 《紫荊俠》平台：iOS 收費：Free 預計推出日期：12年1月尾
2012首打男神app
雖然話香港毒男人數遠多於腐女，但手機篤篤game始終多女玩家，不斷出女神app實在太趕客，所以仲有隻四人男子組合Bro 5 apps，雖然個個都講唔出名，但全部都係大隻仔，睇港男會猛叫嘅港女一定唔會失望，個app並非咩重口味玩意，都係簡單咁聽吓新歌同睇靚仔相，當支持吓香港新人都好！ 《Bro 5》平台：iOS 收費：Free 預計推出日期：12年1月 ####
咪以為Jeana會變身愛美神飛彈咁射出去，其實設計好卡通，大大個箭嘴操控角度方向，一扔個彈出去，怪獸啤啤熊仲會滴汗！
每個版面都有唔同怪獸及炸彈，唔係話射中就算，仲要準確地引爆，先可以穩奪三星。
過版後出番主畫面，click下面Jeana真人相icon，就可以入去睇到新拎嘅相片，玩得唔夠勁又可揀「unlock photo」個icon，用US$2.99就一次開晒所有寫真。
玩法係平移式前進打色狼怪獸，畫面設計亦夠細心。
的士色狼？唔知係咪娜姐親身經歷呢？
主畫面設計簡單，靚仔一字排開任你揀。
寫真相唔似師姐有噴血相，全部sell青春活力，90後會buy。
留言列表
